07 March 2021

News Flash

आयसीसी नियमांचं उल्लंघन केल्याप्रकरणी विराट कोहलीला शिक्षा

मानधनातील २५ टक्के रक्कम कापणार

विराटच्या मानधनातली २५ टक्के रक्कम कापली जाणार

भारतीय संघाचा कर्णधार विराट कोहलीला, दक्षिण आफ्रिकेविरुद्ध दुसऱ्या कसोटीत आयसीसीच्या नियमांचा भंग केल्याप्रकरणी शिक्षेला सामोरं जावं लागणार आहे. ICC Code of Conduct Level 1 चा भंग केल्याप्रकरणी विराटला त्याच्या मानधनातल्या २५ टक्के रकमेवर पाणी सोडावं लागणार आहे.

अवश्य वाचा – विराटच्या आक्रमकतेचा आमच्यावर परिणाम नाही- मोर्केल

दक्षिण आफ्रिकेविरुद्ध सेंच्युरिअन कसोटीत सामनाधिकारी ख्रिस ब्रॉड यांच्याशी हुज्जत घातल्याच्या कारणावरुन विराटला ही शिक्षा सुनावण्यात आलेली आहे. सेंच्युरिअन कसोटीच्या तिसऱ्या दिवशी पावसाने उसंत घेतल्यानंतर खेळाला सुरुवात झाली. यावेळी मैदानाचा काही भाग ओलसर असल्यामुळे चेंडु सतत ओला होऊन गोलंदाजांना याचा त्रास होत असल्याची तक्रार कोहलीने मैदानातील पंचांकडे केली. यानंतर अंधुक प्रकाशामुळे तिसऱ्या दिवसाचा खेळ थांबवण्यात आला. मात्र पंचांच्या भूमिकेवर नाराज झालेल्या कोहलीने थेट सामनाधिकारी ख्रिस ब्रॉड यांच्या कक्षात जाऊन घडलेल्या प्रकाराबद्दल नाराजी व्यक्त केली.

यादरम्यान भारतीय संघाचे प्रशिक्षक रवी शास्त्री आणि संघ व्यवस्थापक सुनील सुब्रमण्यम ब्रॉड यांच्या कक्षात दाखल झाले. यादरम्यानच्या चर्चेत कोहली आणि ब्रॉड यांच्यात खटके उडाल्याचंही समजतं आहे. याप्रकरणाची दृष्य माध्यमांसमोर आल्यानंतर आयसीसीने विराटवर नियमांचं उल्लंघन केल्याप्रकरणी कारवाई केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 16, 2018 3:28 pm

Web Title: india tour of south africa 2018 indian captain virat kohli fined for breaching icc code of conduct
Next Stories
1 ICC U-19 World Cup 2018 – सलग दुसऱ्या सामन्यात भारत विजयी, अनुकूल रॉयचे सामन्यात ५ बळी
2 निगडीचा भेदक मारा, भारतावर पराभवाचं सावट; दुसऱ्या डावात आघाडीची फळी माघारी
3 विराटच्या आक्रमकतेचा आमच्यावर परिणाम नाही- मोर्केल
Just Now!
X