डरबन वन-डे सामन्यात भारताने विराट कोहली आणि अजिंक्य रहाणेच्या शतकी भागीदारीच्या जोरावर विजय संपादन केला. मात्र या सामन्यात सलामीवीर शिखर धवन मैदानात असताना, विराट कोहलीसोबत चोरटी धाव घेण्याच्या प्रयत्नान शिखर धावबाद झाला. आपली विकेट गेल्यानंतर नाराज झालेल्या शिखर धवनने भर मैदानात विराटजवळ आपली नाराजी व्यक्त करत आपला असंतोष व्यक्त केला.

भारतीय डावाच्या १३ व्या षटकात ख्रिस मॉरिसच्या गोलंदाजीवर हा प्रकार घडला. एडन मार्क्रमच्या अचुक फेकीवर धाव शिखर धवन धावबाद होऊन माघारी परतला. वास्तविक पाहता ही धाव घेण्यासाठी शिखर धवन उत्सुक नव्हता. मात्र कर्णधार विराट कोहलीने धाव घेतल्यामुळे त्याला ही धाव घ्यावी लागली. मात्र तोपर्यंत मार्क्रमच्या अचुक फेकीने धवनचा परतीचा प्रवास ठरला होता. या प्रकारानंतर मैदानात भारतीय चाहत्यांनी गब्बरचा अँग्री यंगमॅन अवतार पाहिला.

या विकेटनंतर ट्विटरवरही लोकांनी शिखर धवनची चांगलीच खिल्ली उडवली आहे.