हॉकी चॅम्पियन्स ट्रॉफीमध्ये भारताने शनिवारी ब्रिटनवर २-१ ने मात करीत स्पर्धेतील पहिला विजय नोंदवला. सामन्याच्या सुरुवातीपासूनच भारताने आघाडी घेतली होती. ती शेवटपर्यंत कायम ठेवण्यात आली. सामन्याच्या पूर्वार्धामध्ये भारताने १-० अशी आघाडी घेतली होती. जागतिक क्रमवारीत ४ स्थानावर असलेल्या ब्रिटनला हरवून भारताने स्पर्धेची दमदार सुरुवात केली आहे. भारताकडून मनदीप सिंगने पहिला गोल नोंदवला. ३५ व्या मिनिटाला पेनल्टी स्ट्रोकमध्ये हरमनप्रीत सिंगने दुसरा गोल नोंदवत प्रतिस्पर्ध्यांचे आव्हान अधिक कठीण केले. ब्रिटनकडून अश्ले जॅकसन याने एक गोल नोंदवला. FT: India hold their nerves to see off @_GBHockey & record their 1st win of the 2016 @FIH_Hockey Champions Trophy! pic.twitter.com/6E0YZDSb9G — Hockey India (@TheHockeyIndia) June 11, 2016