भारतीय महिलांनी अप्रतिम खेळाचे प्रदर्शन करत हॉकी मालिकेतील स्पेनविरुद्धची दुसरी लढत १-१ अशी बरोबरीत रोखली. गुरजित कौर हिने ४३व्या मिनिटाला भारताला आघाडीवर आणल्यानंतर मारिया टोस्ट हिने ४९व्या मिनिटाला गोल करून स्पेनला बरोबरी साधून दिली.

—

मध्यंतरापर्यंत एकाही संघाला गोल करता आला नाही. तिसऱ्या सत्रात भारताने गुरजित कौरच्या गोलमुळे सामन्यात आघाडी घेतली. पण भारताचा हा आनंद फार काळ टिकू शकला नाही. भारतीय खेळाडूंच्या ढिसाळ बचावाचा फायदा उठवत स्पेनकडून टोस्ट हिने गोल केला आणि सामना १-१ अशा बरोबरीत आणला. आता तिसरी लढत आज होणार आहे.