04 July 2020

News Flash

सिंधूचा शेंकवर सनसनाटी विजय

जागतिक कांस्यपदक विजेत्या पी. व्ही. सिंधूने ज्युलियन शेंकवर मिळविलेल्या सनसनाटी विजयासह अवध वॉरियर्सने आयबीएलमध्ये पुणे पिस्टन्स संघाविरुद्ध ३-० अशी विजयी आघाडी घेतली.

| August 27, 2013 02:43 am

जागतिक कांस्यपदक विजेत्या पी. व्ही. सिंधूने ज्युलियन शेंकवर मिळविलेल्या सनसनाटी विजयासह अवध वॉरियर्सने आयबीएलमध्ये पुणे पिस्टन्स संघाविरुद्ध ३-० अशी विजयी आघाडी घेतली. मात्र नंतरचे दोन्ही सामने जिंकून पुण्याने लाज राखली. ही लढत अवध वॉरियर्सने ३-२ अशी खिशात घातली.
थायलंड स्पर्धाजिंकणाऱ्या किदम्बी श्रीकांतने अवध वॉरियर्सला झकास सलामी करून दिली. त्याने सौरभ वर्मावर २१-१८, २१-१६ अशी मात करताना स्मॅशिंगच्या जोरकस फटक्यांचा सुरेख खेळ केला. पाठोपाठ सिंधूने शेंकवर २१-२०, २१-२० असा रोमहर्षक विजय मिळवला. चुरशीच्या झालेल्या या सामन्यात दोन्ही खेळाडूंनी ड्रॉपशॉट्सचा बहारदार खेळ केला. दुसऱ्या गेममध्ये सिंधू ७-१४ अशी पिछाडीवर होती. तेथून तिने शेंकच्या चुकांचा पुरेपूर फायदा घेतला. तिने हा गेम २१-२० असा जिंकून विजयावर शिक्कामोर्तब केले. तिच्या विजयामुळे अवध संघाने २-० अशी महत्त्वपूर्ण आघाडी मिळवली होती.
पुरुषांच्या दुहेरीत अवधच्या मथायस बोए व मार्किस किडो यांनी सनावे थॉमस व अरुण विष्णू यांचा २१-१५, २१-१६ असा सरळ दोन गेम्समध्ये पराभव केला आणि संघाची आघाडी ३-० अशी वाढवली. टिएन मिन्ह युगेनने अवधच्या गुरुसाईदत्तवर २१-१२, २१-१८ अशी मात करत पुण्याला पहिला विजय मिळवून दिला. त्यानंतरच्या अखेरच्या सामन्यात पुण्याच्या अश्विनी पोनप्पा-जोकिम फिशर नील्सन या मिश्र दुहेरी जोडीने मार्किस किडो आणि पिया बर्नाडेथ यांचा २१-१६, २१-१४ असा सहज पराभव केला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 27, 2013 2:43 am

Web Title: indian badminton league pv sindhu beats tine baun in battle of the ages
टॅग Pv Sindhu
Next Stories
1 आशिया चषक हॉकी स्पर्धा : भारत उपांत्य फेरीत
2 प्रेक्षकांच्या शेरेबाजीवर ज्वाला गट्टा नाराज
3 दिल्लीचा बांगा बिट्सवर विजय
Just Now!
X