सान्तिआगो (चिली) भारताच्या कनिष्ठ महिला हॉकी संघाने चिली हॉकी दौऱ्यातील विजयाची मालिका कायम राखली. भारताने प्रिन्स ऑफ वेल्स कंट्री क्लबवर झालेल्या सामन्यात चिली संघावर २-० अशी मात केली. या दौऱ्यातील पाचवा सामना खेळणाऱ्या भारताने पूर्णपणे वर्चस्व गाजवत सहज विजय मिळवला. पहिल्या तीन सत्रात एकही गोल लगावता न आल्यामुळे संगिता कुमारी (४८व्या मिनिटाला) आणि सुषमा कुमारी (५६व्या मिनिटाला) यांनी अखेरच्या सत्रात दोन गोल करत भारताला विजय मिळवून दिला. पहिल्या तीन सत्रांमध्ये दोन्ही संघांना गोलशून्यची कोंडी फोडता आली नव्हती.
