भारतीय फलंदाज आणि गोलंदाजांनी आयसीसीच्या वन-डे क्रमवारीत आपलं वर्चस्व कायम राखलं आहे. आयसीसीने नुकतीच आपली सुधारित जागतिक क्रमवारी जाहीर केली. या क्रमवारीत फलंदाजांमध्ये भारताचा कर्णधार विराट कोहलीने आपलं पहिलं स्थान अद्यापही कायम राखलं आहे. याव्यतिरीक्त उप-कर्णधार रोहित शर्मा चौथ्या तर सलामीवीर शिखर धवन दहाव्या स्थानावर आहे. भारताचा माजी कर्णधार महेंद्रसिंह धोनीला मात्र आपलं स्थान गमवावं लागलं आहे. इंग्लंडविरुद्ध वन-डे मालिकेत केलेल्या संथ खेळामुळे धोनी क्रमवारीत १५ व्या स्थानावर घसरला आहे. दुसरीकडे पाकिस्तानच्या फखार झमानचंही क्रमवारीतलं स्थान सुधारलं आहे. आपल्या आधीच्या क्रमवारीत तब्बल ८ अंकांनी सुधारणा करत फखार झमानने ७१३ गुणांसह १६ वं स्थान पटकावलं आहे. गोलंदाजीतही भारतीय गोलंदाजांचा वरचष्मा पहायाल मिळतो आहे. भारताचा सध्याचा आघाडीचा गोलंदाज जसप्रीत बुमराहने गोलंदाजांच्या क्रमवारीत पहिलं स्थान मिळवलंय. तर चायनामन गोलंदाज कुलदीप यादवने ६ वं तर त्याचा साथीदार युझवेंद्र चहलने १० स्थान पटकावलं आहे. आयसीसीची फलंदाजांची क्रमवारी - आयसीसीची गोलंदाजांची क्रमवारी - १) विराट कोहली (भारत) - ९११ १) जसप्रीत बुमराह (भारत) - ७७५ २) बाबर आझम (पाकिस्तान) - ८२५ २) राशिद खान (अफगाणिस्तान) - ७६३ ३) जो रुट (इंग्लंड) - ८१८ ३) हसन अली (पाकिस्तान) - ७४२ ४) रोहित शर्मा (भारत) - ८०६ ४) ट्रेंट बोल्ट (न्यूझीलंड) - ६९९ ५) डेव्हिड वॉर्नर (ऑस्ट्रेलिया) - ८०३ ५) जोश हेजलवूड (ऑस्ट्रेलिया) - ६९६ ६) रॉस टेलर (न्यूझीलंड) - ७८५ ६) कुलदीप यादव (भारत) - ६८४ ७) क्विंटन डी-कॉक (दक्षिण आफ्रिका) - ७८३ ७) इम्रान ताहीर (दक्षिण आफ्रिका) - ६८३ ८) फाफ डु प्लेसीस (दक्षिण आफ्रिका) - ७८२ ८) आदिल रशीद (इंग्लंड) - ६८१ ९) केन विल्यमसन (न्यूझीलंड) - ७७८ ९) कगिसो रबाडा (दक्षिण आफ्रिका) - ६७९ १०) शिखर धवन (भारत) - ७७० १०) युझवेंद्र चहल (भारत) - ६६६
