News Flash

दुबईच्या आशियाई बॉक्सिंग स्पर्धेसाठी भारताचा मार्ग मोकळा

मंगळवारी संयुक्त अरब अमिरातीमधील प्रशासनाने भारतीय संघाला हिरवा कंदील दिला आहे.

| May 19, 2021 01:44 am

नवी दिल्ली : दुबईत होणाऱ्या आशियाई बॉक्सिंग अजिंक्यपद स्पर्धेसाठी भारतीय संघाचा मार्ग मोकळा झाला आहे. अमित पंघालसह (५२ किलो) ऑलिम्पिकपात्र बॉक्सिंगपटूंचा समावेश असलेला भारतीय संघ २१ मे रोजी दुबईकडे प्रस्थान करणार आहे.

आशियाई बॉक्सिंग स्पर्धा आधी भारतात होणार होती; परंतु करोनाबाधितांची संख्या वेगाने वाढल्यामुळे ही स्पर्धा दुबईत हलवण्यात आली. २३ मे रोजी स्पध्रेची कार्यक्रम पत्रिका ठरवण्यात येईल, तर २४ मे रोजी स्पध्रेला प्रारंभ होईल. प्रवासाच्या निर्बंधांमुळे आशियाई बॉक्सिंग स्पध्रेमधील भारताच्या प्रवेशापुढे प्रश्नचिन्ह उभे ठाकले होते. परंतु मंगळवारी संयुक्त अरब अमिरातीमधील प्रशासनाने भारतीय संघाला हिरवा कंदील दिला आहे.

करोनातून सावरत असल्यामुळे मनीष कौशिक (६३ किलो) आणि सतीश कुमार (+९१ किलो) या ऑलिम्पिकपात्र खेळाडूंनी स्पध्रेतून माघार घेतली आहे.

भारतीय संघ

’  पुरुष : विनोद तन्वर, अमित पंघाल, मोहम्मद हसमुद्दीन, वरिंदर सिंग, शिव थापा, विकास कृष्णन, आशीष कुमार, सुमित संगवान, संजीत, नरिंदर.

’  महिला : मोनिका, एमसी मेरी कोम, साक्षी, जस्मिन, सिम्रनजीत कौर, लालबुआतसैही, लव्हलिना बार्गोहेन, पूजा राणी, स्वीटी, अनुपमा.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 19, 2021 1:44 am

Web Title: indian team for asian boxing championships leave for dubai on may 21 zws 70
Next Stories
1 बॅडमिंटनमधील नव्या गुणपद्धतीबाबत शनिवारी निर्णय
2 रिजिजू-बत्रा यांच्यात बैठकीदरम्यान मतभेद
3 Australian ball-tampering scandal : बँक्रॉफ्टचे घूमजाव!
Just Now!
X