News Flash

कबड्डीत भारतीय महिलांना सुवर्णपदक

भारतीय महिला कबड्डी संघाने अंतिम लढतीत यजमान थायलंडला ६१-२८ असे पराभूत करून आशियाई समुद्रकिनारी (बीच) क्रीडा स्पध्रेत सुवर्णपदकाची कमाई केली.

| November 24, 2014 01:42 am

कबड्डीत भारतीय महिलांना सुवर्णपदक

भारतीय महिला कबड्डी संघाने अंतिम लढतीत यजमान थायलंडला ६१-२८ असे पराभूत करून आशियाई समुद्रकिनारी (बीच) क्रीडा स्पध्रेत सुवर्णपदकाची कमाई केली. भारतीय पुरुषांना मात्र कांस्यपदकावर समाधान मानावे लागले.
भारतीय महिला संघाने पूर्वार्धात ३४-१३ अशी आघाडी घेतली होती, मग उत्तरार्धातही आपले वर्चस्व टिकवत जेतेपदावर नाव कोरले. ममता पुजारीच्या नेतृत्वाखालील भारतीय संघात प्रियांका, रणदीप कौर, काकोली बिस्वास, पायेल चौधरी आणि परमेश्वरी अंबालावानान यांचा समावेश होता.
शनिवारी भारतीय पुरुष संघाने २८-३९ अशा फरकाने पाकिस्तानकडून हार पत्करली. इन्चॉनला झालेल्या आशियाई क्रीडा स्पध्रेत भारताला तोलामोलाची टक्कर देणाऱ्या इराणने अंतिम फेरीत पाकिस्तानला ४०-२७ असे हरवले आणि सुवर्णपदकावर नाव कोरले.
भारत २०व्या स्थानावर
या स्पध्रेत १० पदके (२ सुवर्ण, १ रौप्य, ७ कांस्य) जिंकणाऱ्या भारताला पदकतालिकेत २०व्या स्थानावर समाधान मानावे लागले. याआधी हरिंदर पाल संधूने स्क्वॉश एकेरीमध्ये सुवर्णपदकाची कमाई केली. यजमान थायलंडने सर्वाधिक १२६ पदके (५६ सुवर्ण, ३ रौप्य, ३३ कांस्य) जिंकत पदकतालिकेत अग्रस्थान पटकावले. चीनला दुसरे, तर दक्षिण कोरियाला तिसरे स्थान मिळाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 24, 2014 1:42 am

Web Title: indian women beach kabaddi team wins gold
Next Stories
1 हॅमिल्टन जगज्जेता!
2 गौरव गिल-मुसा शरीफ जोडीला सर्वसाधारण अजिंक्यपद
3 मुंबई एफसीची निराशा
Just Now!
X