29 May 2020

News Flash

IPL 2018 – हिथ स्ट्रिक कोलकाता नाईट रायडर्सचा गोलंदाजी प्रशिक्षक

संघ व्यवस्थापनाकडून घोषणा

हिथ स्ट्रिक (संग्रहीत छायाचित्र)

आयपीएलच्या आगामी हंगामासाठी कोलकाता नाईट रायडर्सने झिम्बाब्वेची माजी कर्णधार हिथ स्ट्रिक याची गोलंदाजी प्रशिक्षक म्हणून नेमणूक केली आहे. आयपीएलच्या मागच्या दोन पर्वांमध्ये स्ट्रिक गुजरात लायन्स या संघाचा प्रशिक्षक होता. सध्या हिथ स्ट्रिक झिम्बाब्वेच्या संघाचा प्रशिक्षक असून आंतरराष्ट्रीय पातळीवर प्रशिक्षणाचा मोठा अनुभव स्ट्रिककडे आहे.

मुख्य प्रशिक्षक जॅक कॅलिज आणि मार्गदर्शक सायमन कॅटीच यांच्यानंतर स्ट्रिक हा कोलकाता नाईट रायडर्सच्या संघाच्या कोचिंग स्टाफमध्ये सहभागी झालेला तिसरा सदस्य ठरला आहे. हिथ स्ट्रिक लक्ष्मीपती बालाजीच्या जागी कोलकाता नाईट रायडर्सच्या गोलंदाजांना प्रशिक्षण देणार आहे. काही दिवसांपूर्वी कोलकाता नाईट रायडर्सने दिनेश कार्तिककडे संघाचं नेतृत्व सोपवलं होतं. त्यामुळे नवीन खेळाडू आणि प्रशिक्षक वर्गासह हा संघ आयपीएलमध्ये कशी कामगिरी करतो हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 12, 2018 4:01 pm

Web Title: ipl 2018 heath streak appoint as a bowling coach of kkr
टॅग IPL 2018,Kkr
Next Stories
1 IPL 2018: उगवत्या सूर्याची झळाळी आणि बरंच काही, दिल्ली डेअरडेविल्सची नवी जर्सी पाहिली का?
2 माझा खेळ सुधारण्यात धोनीचा वाटा मोठा – केदार जाधव
3 IPL 2018: गौतम गंभीर ७ वर्षांनंतर पुन्हा दिल्ली डेअरडेविल्सचा कर्णधार
Just Now!
X