News Flash

IPL 2019 : अंतिम सामन्यातही निकृष्ट अंपायरिंग, पोलार्डचा मैदानातच निषेध

पंच नितीन मेनन यांचा वादग्रस्त निर्णय

आयपीएलच्या बाराव्या हंगामात पंचाच्या निकृष्ट कामगिरीची परंपरा काहीकेल्या थांबत नाहीये. मुंबई विरुद्ध चेन्नई यांच्यातील अंतिम सामन्यातही पंचांनी वादग्रस्त निर्णय देत पुन्हा एकदा खेळाडूचा रोष ओढवून घेतला आहे. भारतीय पंच नितीन मेनन यांनी अखेरच्या षटकात ड्वेन ब्राव्होने टाकलेला वाईड चेंडू, वैध ठरवला. या निर्णयाने अचंबित झालेल्या पोलार्डने लगेचच दुसऱ्या चेंडूवर अनोख्या पद्धतीने आपला निषेध नोंदवला.

चाहत्यांनीही सोशल मीडियावर पंच नितीन मेनन यांचा निषेध नोंदवत पोलार्डला आपला पाठींबा दर्शवला आहे.

डावाची सुरुवात आक्रमक पद्धतीने केल्यानंतर मुंबईचा डाव घसरला. पोलार्डने शेवटपर्यंत मैदानात तळ ठोकत चेन्नईच्या गोलंदाजीचा सामना केला. मात्र ब्राव्होने अखेरच्या षटकात टाकलेला वाईड चेंडू पंच नितीन मेनन यांनी वैध ठरवला. यामुळे नाराज झालेल्या पोलार्डने त्यापुढचा चेंडू ‘वाईड बॉल’च्या रेषेवर जाऊन खेळण्यास नकार दिला. अखेर पंच इयान गुल्ड यांनी पोलार्डला समज देत सामना सुरु ठेवला. मात्र पंच नितीन मेनन यांच्या निकृष्ट अंपायरिंगमुळे आयपीएलमधील पंचांच्या कामगिरीची मुद्दा पुन्हा एकदा ऐरणीवर आला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 12, 2019 9:31 pm

Web Title: ipl 2019 final bad umpiring by nitin menon in final polard fumes and protest
टॅग : IPL 2019
Next Stories
1 IPL 2019 Final : कार्तिकला मागे टाकत महेंद्रसिंह धोनी सर्वोत्कृष्ट यष्टीरक्षक
2 मलिंगा ठरला हिरो; शेवटच्या चेंडूवर मुंबईचा IPL विजेतेपदाचा चौकार
3 Birthday Boy पोलार्डला सचिनकडून खास संदेश
Just Now!
X