मोहालीच्या मैदानावर राजस्थान विरुद्ध पंजाब हा सामना रंगला. IPL २०१९ मध्ये हे २ संघ दुसऱ्यांदा एकमेकांसमोर उभे ठाकले. या आधी जेव्हा हे दोन संघ खेळले होते, तेव्हा जयपूरच्या सवाई मानसिंग स्टेडियममध्ये झालेल्या सामन्यात पंजाबच्या संघाने राजस्थानवर १४ धावांनी विजय मिळवला होता. १८५ धावांच्या आव्हानाचा पाठलाग करताना राजस्थानला केवळ १७० धावांपर्यंत मजल मारता आली. पंजाबकडून गेलने सर्वाधिक ७९ धावा केल्या. प्रत्युत्तरात राजस्थानच्या बटलरचे (६९) प्रयत्न तोकडे पडले. या सामन्यात वादग्रस्त ठरला तो जोस बटलरला अश्विनने केलेलं रन-आऊट.. १८५ धावांच्या आव्हानाचा पाठलाग करताना सलामीवीर जोस बटलर याने शानदार अर्धशतक केले. पण तो ४३ चेंडूत ६९ धावांवर असताना त्याला 'मंकड' पद्धतीने बाद करण्यात आले. पंजाबचा कर्णधार रविचंद्रन अश्विन याने अर्धशतकवीर जोस बटलरला अजब पद्धतीने धावबाद केले. गोलंदाजीत चेंडू टाकण्याआधी त्याने नॉन-स्ट्राईककडील यष्ट्यांच्या वरील बेल्स उडवल्या. त्यावेळी बटलर धाव घेण्यासाठी क्रीजबाहेर निघाला होता. त्यामुळे पंचानी त्याला बाद ठरवले. What the !!! I doubt if this can be given out even by the rule book The way I see it he was not stepping out too much!!! Batsman looks "in" when the bowler was in his release stride! Hayden said it right & the game changed there !!! Not fair even by school standards ! #Mankad pic.twitter.com/Aq2VMwVyz1 — T R B Rajaa (@TRBRajaa) March 25, 2019 यावरून प्रचंड वाद निर्माण झाला. सामन्यानंतर बटलरने अश्विनशी हस्तांदोलन टाळत आपली नाराजी दाखवली. अनेकांनी अश्विनवर अखिलाडूवृत्ती दाखविल्याचा आरोप केला. पण या दरम्यान, चेन्नईतील एका होर्डिंगवर या घटनेचा कल्पकतेने वापर करण्यात आला आहे. ग्रेटर चेन्नई ट्रॅफिक पोलिसांनी बॅनर लावला असून त्यात 'सिग्नलवर लाल दिवा असताना रेघ ओलांडू नका' असा संदेश देण्यात आला आहे. @ashwinravi99 @prithinarayanan u guys noticed these hoardings in chennai? saw 2 types of this. one for 2wheeler and this one.. #mankanding #ipl @josbuttler next time u come chennai pls have a look pic.twitter.com/VQ7WnbpG5v — Sathya Manivannan (@sathya_29) April 9, 2019 दरम्यान, त्या सामन्यात रहाणे-बटलरने फटकेबाजी करत राजस्थानला धडाकेबाज सुरूवात करून दिली. त्यामुळे ६ व्या षटकात राजस्थानने अर्धशतकी मजल मारली. त्यानंतर कर्णधार रहाणे बाद झाला. त्याने २७ धावा केल्या. बटलर आणि सॅमसनने फटकेबाजी सुरूच ठेवली. पण पंजाबचा कर्णधार रविचंद्रन अश्विन याने अर्धशतकवीर जोस बटलरला अजब पद्धतीने धावबाद (६९) केले. गोलंदाजीत चेंडू टाकण्याआधी त्याने नॉन-स्ट्राईककडील यष्ट्यांच्या वरील बेल्स उडवल्या. त्यावेळी बटलर धाव घेण्यासाठी क्रीजबाहेर निघाला होता. त्यामुळे पंचानी त्याला बाद ठरवले. त्यानंतर राजस्थानच्या डावाला गळती लागली. सॅमसनने ३० तर स्मिथने २० धावा केल्या. उर्वरित फलंदाज एकेरी धावसंख्येवर माघारी परतले. पंजाबकडून सॅम करन, राजपूत, रहमानने २-२ बळी घेतले. Video : काही कळण्याआधीच बटलर धावबाद; मैदानावरच घातला अश्विनशी राडा नाणेफेक जिंकून राजस्थानचा कर्णधार अजिंक्य रहाणे याने प्रथम गोलंदाजी करण्याचा निर्णय घेतला आणि पंजाबला फलंदाजीसाठी आमंत्रित केले. टीम इंडियाकडून फारसा प्रभावी न ठरलेल्या लोकेश राहुलची IPL ची सुरुवातदेखील वाईट झाली. धवल कुलकर्णीने त्याचा बळी टिपत राजस्थानला पहिले यश मिळवून दिले. राहुलने केवळ ४ धावा केल्या. या दरम्यान पंजाबचा सलामीवीर ख्रिस गेल याने एक नवा इतिहास रचला. त्याने आपल्या डावात ६ धावा करत IPL मध्ये ४ हजार धावांचा टप्पा पार केला. हा टप्पा सर्वात जलद पार करण्याचा मान गेलला मिळाला. पण ख्रिस गेल मैदानात असूनही पंजाबची सुरुवात संथ झाली. पंजाबने ८ षटकात अर्धशतक पूर्ण केले. गेल संयमी खेळ करत असल्याने मयंक अग्रवालने फटकेबाजीची जबाबदारी स्वतःवर घेतली. पण त्याला फार मोठी खेळी करता आली नाही. तो २४ चेंडूत २ षटकार आणि १ चौकार लगावून २२ धावांवर बाद झाला. त्यानंतर २९ चेंडूत ३४ धावांची संयमी खेळी करणाऱ्या गेलने जयदेव उनाडकटला चोपून काढले. सलग ३ चौकार आणि त्यानंतर षटकार अशी फटकेबाजी करत गेलने ३३ चेंडूत अर्धशतक पूर्ण केले. पण झंझावाती खेळ करणारा ख्रिस गेल ७९ धावांवर बाद झाला. राहुल त्रिपाठी याने सीमारेषेवर त्याचा अप्रतिम झेल टिपला. ४७ चेंडूच्या खेळीत गेलने ८ चौकार आणि ४ षटकार खेचले. बेन स्टोक्सने त्याला माघारी धाडले. पाठोपाठ निकोलस पूरण १२ धावा काढून बाद झाला. पण सर्फराजने २९ चेंडूत धमाकेदार नाबाद ४६ धावांची खेळी केली.