News Flash

IPL 2019 : इम्रान ताहीरची गाडी सुस्साट, दिग्गज फिरकीपटूंना टाकलं मागे

ताहीरचे सामन्यात ४ बळी

आयपीएलच्या बाराव्या हंगामात गतविजेच्या चेन्नई सुपरकिंग्ज संघाची वाटचाल मोठ्या धडाकेबाज पद्धतीने सुरु आहे. गुणतालिकेत चेन्नईचा संघ आपलं अव्वल स्थान कायम राखून आहे. आतापर्यंत झालेल्या सामन्यात चेन्नईने फक्त एकदा पराभवाचा सामना केला आहे. घरचं मैदान असो व घराबाहेरचं, चेन्नईचा संघ प्रतिस्पर्ध्यावर पूर्णपणे वर्चस्व गाजवतो आहे. कोलकात्याच्या इडन गार्डन्स मैदानावरील सामन्यातही चेन्नईच्या गोलंदाजांनी आश्वासक मारा करत कोलकात्याला १६१ धावांवर रोखलं.

चेन्नईकडून अनुभवी फिरकीपटू इम्रान ताहीरने कोलकात्याच्या डावाला खिंडार पाडलं. त्याने ४ फलंदाजांना माघारी धाडलं. या कामगिरीदरम्यान ताहीरने दोन अनोखे विक्रम आपल्या नावावर केले आहेत. आयपीएलमध्ये ४० किंवा त्यापेक्षा जास्त वयाच्या वयात ४ बळी घेणाऱ्यांच्या यादीत ताहीर चौथ्या स्थानावर पोहचला आहे.

याचसोबत ताहीरने ३५ व्या वर्षानंतर आयपीएलमध्ये सर्वाधिक बळी घेणाऱ्या फिरकीपटूंच्या यादीतही पहिलं स्थान पटकावलं आहे. ताहीरने मुथय्या मुरलीधरन, शेन वॉर्न, आशिष नेहरा, अनिल कुंबळे यांना मागे टाकलं आहे.

रविवारी कोलकात्याविरुद्ध सामन्यात ताहीरने ख्रिस लिन, नितीश राणा, रॉबिन उथप्पा आणि आंद्रे रसेलचा बळी घेतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 14, 2019 7:28 pm

Web Title: ipl 2019 imran tahir bags 4 wickets created unique record against kkr at eden gardens
टॅग : Csk,IPL 2019
Next Stories
1 Video : डु प्लेसिसने घेतलेला हा अफलातून झेल पाहिलात का?
2 Video : ‘हा विजय तुमच्यासाठीच!’; कोहली, डीव्हिलियर्सचा चाहत्यांना भावनिक संदेश
3 रैना बरसे रे ! चेन्नईचा विजयी धडाका सुरुच, कोलकात्यावर मात
Just Now!
X