News Flash

IPL 2019 : हिटमॅन vs गब्बर! टीम इंडियाचे सलामीवीर ‘या’ तारखेला आमनेसामने

वानखेडे मैदानावर रंगणार सामना

IPL 2019 या स्पर्धेचे बहुप्रतीक्षित वेळापत्रक मंगळवारी जाहीर करण्यात आले. २३ मार्चपासून या स्पर्धेला सुरुवात होणार असून या स्पर्धेच्या पहिल्या २ आठवड्यांचे वेळापत्रक जाहीर करण्यात आले आहे. या स्पर्धेचा पहिला सामना हा चेन्नई सुपर किंग्ज विरुद्ध रॉयल चॅलेंजर्स बंगळुरू असा रंगणार आहे. माजी कर्णधार विरुद्ध सध्याचा कर्णधार असा सामना असणार आहे. त्यामुळे या सामन्याकडे साऱ्यांचे लक्ष असणार आहे.

आजी-माजी कर्णधारांमधील लढतींबरोबरच या स्पर्धेतील आणखी एक सामन्याकडे साऱ्यांचे लक्ष असणार आहे. हा सामना म्हणजे भारताच्या दोन सलामीवीरांमधील सामना… रोहित शर्माचा मुंबई इंडियन्स संघ विरुद्ध शिखर धवनचा दिल्ली कपिटल्स संघ या स्पर्धेच्या पहिल्याच आठवड्यात आमनेसामने येणार आहेत. २४ मार्चला हा सामना मुंबईच्या घरच्या मैदानावर रंगणार आहे.

दरम्यान, IPL यंदाच्या वर्षी लोकसभेच्या निवडणुकांमुळे IPL देशाबाहेर खेळवण्यावर विचार सुरु होता. मात्र, अखेरीस ही स्पर्धा देशातच खेळवण्यात येणार आहे. मुंबईचे या वेळापत्रकानुसार २ सामने घरच्या मैदानावर आणि २ सामने प्रतिस्पर्ध्याच्या मैदानावर खेळण्यात येणार आहेत.

दिल्ली व्यतिरिक्त चेन्नईशी होणार सामना मुंबईच्या मैदानावर ३ एप्रिलला होणार आहे. तर २८ तारखेचा बंगळुरूविरुद्धचा सामना आणि ३० तारखेचा पंजाबविरुद्धचा सामना प्रतिस्पर्ध्यांच्या मैदानावर होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 19, 2019 4:48 pm

Web Title: ipl 2019 mi vs dc team india openers rohit sharma and shikhar dhawan will stand against each other on 24th march
टॅग : IPL 2019
Next Stories
1 IPL 2019 : वेळापत्रकाची घोषणा ! गतविजेत्या चेन्नईसमोर बंगळुरुचं आव्हान
2 Superfast! केवळ २० चेंडूत गाठले विजयी आव्हान
3 क्रिकेटच्या मैदानात राडा; खेळाडूने पंचाच्या डोक्यात मारल्या लाथा
Just Now!
X