News Flash

IPL 2021 : विजयी हॅट्ट्रिकचे बेंगळूरुचे लक्ष्य

तिसरा विजय मिळवण्यासाठी विराट कोहलीच्या नेतृत्वाखालील रॉयल चॅलेंजर्स बेंगळूरुचा संघ उत्सुक आहे.

| April 18, 2021 12:56 am

चेन्नई : इंडियन प्रीमियर लीग (आयपीएल) ट्वेन्टी-२० क्रिकेटमध्ये रविवारी चाहत्यांना दोन सामन्यांचा थरार अनुभवायला मिळणार आहे. दुपारी होणाऱ्या पहिल्या लढतीत कोलकाता नाइट रायडर्सला नमवून सलग तिसरा विजय मिळवण्यासाठी विराट कोहलीच्या नेतृत्वाखालील रॉयल चॅलेंजर्स बेंगळूरुचा संघ उत्सुक आहे.

’ वेळ : दुपारी ३.३० वा.

रॉयल चॅलेंजर्स बेंगळूरु : सांघिक कामगिरीवर भिस्त

अन्य संघाच्या तुलनेत रॉयल चॅलेंजर्स बेंगळूरुचा संघ यंदा उत्तम सांघिक कामगिरी करत असल्याने सध्या ते गुणतालिकेत अग्रस्थानी आहेत. कोहलीसह ग्लेन मॅक्सवेल, एबी डीव्हिलियर्स लयीत असल्यामुळे बेंगळूरुला फलंदाजीत फारशी चिंता करण्याचे कारण नाही. देवदत्त पडिक्कलकडून मात्र यावेळी त्यांना दमदार सलामीची अपेक्षा असेल. गोलंदाजीत शाहबाज अहमद आणि हर्षल पटेल बेंगळूरुसाठी मोलाची भूमिका बजावत आहेत. त्याशिवाय मोहम्मद सिराज, कायले जेमिसन, यजुर्वेद्र चहल असे वैविध्यपूर्ण गोलंदाजीचे पर्याय त्यांच्याकडे उपलब्ध आहेत.

कोलकाता नाइट रायडर्स : विदेशी फलंदाजांची कसोटी

नितीश राणा, राहुल त्रिपाठी आणि शुभमन गिल हे कोलकाताचे आघाडीचे फलंदाज आतापर्यंत छाप पाडण्यात यशस्वी ठरले आहेत. परंतु कर्णधार इऑन मॉर्गनसह आंद्रे रसेल आणि शाकिब अल हसन हे विदेशी फलंदाज सपशेल अपयशी ठरल्याने कोलकाताला मुंबई इंडियन्सविरुद्ध हातातील सामना गमवावा लागला. बेंगळूरुच्या तुलनेत कोलकाताकडे हरभजन सिंग, वरुण चक्रवर्ती आणि शाकिब असे अनुभवी फिरकी त्रिकुट आहे. त्यामुळे फिरकीला पोषक खेळपट्टीवर ते बेंगळूरुवर वर्चस्व गाजवू शकतात.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 18, 2021 12:56 am

Web Title: ipl 202 match preview kolkata knight riders vs royal challengers bangalore zws 70
टॅग : IPL 2021
Next Stories
1 IPL 2021 : पंजाबविरुद्ध दिल्लीचे पारडे जड
2 VIDEO : उत्तुंग..! पोलार्डने ठोकला हंगामातील सर्वात मोठा षटकार
3 MI vs SRH : मुंबईच्या गोलंदाजांची चमकदार कामगिरी, हैदराबादवर 13 धावांनी केली मात
Just Now!
X