२०१९ आयपीएलच्या हंगामाचं उप-विजेतेपद पटकावणाऱ्या चेन्नई सुपरकिंग्जने आणखी एका खेळाडूला संघातून करारमुक्त केलं आहे. इंग्लंडचा यष्टीरक्षक फलंदाज सॅम बिलिंग्जला चेन्नईने निरोप दिला आहे. त्यामुळे आगामी हंगामासाठी बिलिंग्जला लिलावाच्या प्रक्रियेत सहभागी व्हावं लागणार आहे. २०१८ साली चेन्नईने बिलिंग्जला १ कोटी रुपयांची किंमत मोजून चेन्नईसाठी करारबद्ध केलं होतं. यानंतर बिलिंग्जने चेन्नईसाठी १० सामने खेळले, ज्यात त्याने १०८ धावा केल्य़ा. आपल्या सोशल मीडिया अकाऊंटवर बिलिंग्जने चेन्नईच्या संघ व्यवस्थापनाचे आभार मानले आहेत. View this post on Instagram Love being a part of @chennaiipl @iplt20 ! Video Edit: @philedwardsuk Music : Get It Right - Diplo ft MO A post shared by Sam Billings (@sambillings) on Apr 10, 2019 at 9:11am PDT काही प्रसारमाध्यमांना दिलेल्या माहितीनुसार दिल्ली कॅपिटल्सचा संघ बिलिंग्जला आपल्या संघात सहभागी करुन घेण्यासाठी उत्सुक आहे. १९ डिसेंबरला कोलकाता शहरात आयपीएलच्या आगामी हंगामाचा लिलाव पार पडणार आहे.