News Flash

IPL Auction : विश्वचषकात खेळण्याचं भंगलं होतं स्वप्न, आता १४ कोटी रुपयांची लागली बोली

टी-२० मध्ये तीन वेळा चार बळी

ऑस्ट्रेलियाचा वेगवान गोलंदाज जाय रिचर्डसन (Jhye Richardson) वर आयपीएल लिलावात मोठी बोली लागली आहे. या वेगवान गोलंदाजाला पजांब संघानं १४ कोटी रुपयांची बोली लावत आपल्या ताफ्यात घेतलं आहे. रिचर्डसनची मूळ किंमत एक कोटी ५० लाख रुपये इतकी होती. लिलावादरम्यान आरसीबी आणि दिल्ली या संघानेही रिचर्डसनवर बोली लावली. मात्र, अखेर पंजाब संघानं १४ कोटी रुपयांची बोली लावत त्याला विकत घेतलं.

आयपीएलच्या लिलावातील सर्वात महागड्या खेळाडूंपैकी रिचर्डसन एक आहे. या आधी ऑस्ट्रेलियाचा वेगवान गोलंदाज पॅट कमिन्सला कोलकातानं १५.५ कोटी रुपयांना खरेदी केलं होतं. आयपीएलच्या गेल्या हंगामात कमिन्सनं १४ सामन्यात फक्त १२ बळी घेतले होते. नुकत्याच पार पडलेल्या ऑस्ट्रेलियातील बिग बॅश लीग स्पर्धेत रिचर्डसन यानं अफलातून कामगिरी केली होती. या स्पर्धेत त्यानं २९ बळी घेतले होते. बिग बॅशमधील ५३ सामन्यात रिचर्डसन यानं ६९ बळी घेतले आहेत.

टी-२० मध्ये तीन वेळा चार बळी –
रिचर्डसन ऑस्ट्रेलियासाठी दोन कसोटी सामने खेळला असून यामध्ये ६ बळी घेतले आहेत. १३ एकदिवसीय सामन्यात २४ बळी मिळवले आहेत. याशिवाय ९ टी-२० सामन्यात ९ बळी मिळवले आहेत. आतापर्यंत ६२ देशांतर्गत टी-२० सामन्यात खेळाला आहे. यामध्ये ७८ विकेट घेतल्या आहेत. यादरम्यान त्यानं तीन वेळा चार बळी घेण्याची किमया साधली आहे.

दुखापतीमुळे विश्वचषकाचं स्वप्न भंगलं –
२०१७ मध्ये रिचर्डसनने यानं आंतरराष्ट्रीय सामन्यात पदार्पण केलं होतं. आपल्या वेगवान गोलंदाजीनं सर्वांचं लक्ष वेधून घेतलं होतं. भविष्यातील स्टार खेळाडू म्हणून त्याच्याकडे पाहिलं जात होतं. २०१९ च्या विश्वचषकाच्या संघात रिचर्डसनच स्थान पक्कं मानलं जात होतं. मात्र तो दुखापतग्रस्त झाला अन् संघातील स्थान गमावावं लागलं. त्यानंतर अॅशेजमालिकेलाही त्याला मुकावं लागलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 18, 2021 7:56 pm

Web Title: ipl 2021 auction jhye richardson roped in by punjab kings for a whopping rs 14 crore nck 90
टॅग : IPL 2021
Next Stories
1 IPL Auction: सचिन बेबी आणि अर्जुन तेंडुलकर सेमच माणसाचं नाव आहे की…?; RCB मुळे नेटकरी गोंधळले
2 पुजारा कसोटीवर खरा उतरला; या संघाने लाखो रुपयांना घेतलं विकत
3 IPL Auction : कृष्णप्पा गौतमने केला विक्रम; चेन्नईने घेतलं विकत
Just Now!
X