05 December 2020

News Flash

आयपीएलच्या वेळापत्रकात बदल

कर्नाटकात विधानसभेच्या निवडणुका मे महिन्यात होणार असल्यामुळे आयपीएल क्रिकेट स्पर्धेतील काही सामन्यांच्या तारखांमध्ये बदल करण्यात आला आहे.

| March 28, 2013 01:49 am

कर्नाटकात विधानसभेच्या निवडणुका मे महिन्यात होणार असल्यामुळे आयपीएल क्रिकेट स्पर्धेतील काही सामन्यांच्या तारखांमध्ये बदल करण्यात आला आहे.
बंगळुरु येथे ४ व ६ मे रोजी रॉयल चॅलेंजर्सचे सामने होणार होते. मात्र त्याच काळात तेथे विधानसभेकरिता मतदान होणार असल्यामुळे काही सामन्यांच्या कार्यक्रमपत्रिकेत बदल करण्यात आला आहे. ४ मे रोजी रॉयल चॅलेंजर्स व किंग्ज इलेव्हन पंजाब यांच्यात होणारा सामना आता १४ मे रोजी घेण्यात येणार आहे. ६ मे रोजी रॉयल चॅलेंजर्स व सनराईज हैदराबाद यांच्यातील सामना ९ एप्रिल रोजी होणार आहे. किंग्ज इलेव्हन पंजाब व दिल्ली डेअरडेव्हिल्स यांच्यात २३ एप्रिल रोजी मोहाली येथे होणारा सामना १६ मे रोजी धरमशाळा येथे होईल. किंग्ज इलेव्हन व रॉयल चॅलेंजर्स यांच्यात १६ मे रोजी धरमशाळा येथे होणारा सामना ६ मे रोजी मोहाली येथे होईल.
दिल्ली डेअरडेव्हिल्स व किंग्ज इलेव्हन यांच्यात १३ मे रोजी होणारा सामना दिल्ली येथे २३ एप्रिल रोजी आयोजित केला जाणार आहे. कोलकाता नाईटरायडर्स व पुणे वॉरियर्स यांच्यात रांची येथे १४ मे ऐवजी १५ मे रोजी सामना खेळविला जाईल तर चेन्नई सुपरकिंग्ज व दिल्ली डेअरडेव्हिल्स हा सामना १६ मेऐवजी १४ मे रोजी धरमशाळा येथे घेतला जाणार आहे. रॉयल चॅलेंजर्स व चेन्नई सुपरकिंग्ज हा सामना १९ मे ऐवजी १८ मे रोजी बंगळुरु येथे होणार आहे. पुणे वॉरियर्स व दिल्ली डेअरडेव्हिल्स हा सामना १८ मेऐवजी १९ मे रोजी पुण्यात दुपारी चार वाजता सुरू होईल.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 28, 2013 1:49 am

Web Title: ipl time table changed
टॅग Ipl,Sports,Time Table
Next Stories
1 आयपीएलमध्ये खेळा पण चेन्नईत नको – श्रीलंका क्रिकेट मंडळ
2 एमओएच्या अध्यक्षपदी अजित पवारांच्या निवडीवर शिक्कामोर्तब
3 कबड्डीपटू झाल्या करोडपती
Just Now!
X