भारताकडून कसोटी क्रिकेटमध्ये पदार्पण करणाऱ्या मुंबईकर पृथ्वी शॉने शतकी खेळी करुन सर्वांचं लक्ष वेधून घेतलं. वेस्ट इंडिजच्या गोलंदाजांचा सहज सामना करत पृथ्वीने शतकी खेळी केली. कसोटी क्रिकेटमध्ये पदार्पणात शतक झळकावणारा पृथ्वी शॉ पंधरावा भारतीय खेळाडू ठरला आहे. सलामीवीर लोकेश राहुल माघारी परतल्यानंतर पृथ्वी शॉने चेतेश्वर पुजाराच्या साथीने द्विशतकी भागीदारी करुन संघाचा डाव सावरला. त्याच्या या खेळीनंतर अनेक माजी खेळाडूंनी ट्विटरवर त्यांचं कौतुक केलं आहे.