भारतीय संघाचा जलदगती गोलंदाज जसप्रीत बुमराह आपल्या पाठीच्या दुखापतीमुळे काही काळ क्रिकेटपासून दूर होता. दक्षिण आफ्रिकेविरूद्धच्या मालिकेला त्याला मुकावे लागले होते. पण आता मात्र बुमराह दुखापतीतून हळूहळू सावरत असून तो आपल्या फिटनेसकडे लक्ष देऊ लागला आहे. बुमराहने आपल्या ट्विटर अकाऊंटवर जिममध्ये वर्कआऊट करतानाचा एक फोटो पोस्ट करत भारतीय संघात पुनरागमनाचे संकेत दिले आहेत. View this post on Instagram Coming soon! A post shared by jasprit bumrah (@jaspritb1) on Oct 29, 2019 at 12:15am PDT जसप्रीत बुमराह पुन्हा मैदानावर परतणार म्हणून चाहत्यांनी आनंद व्यक्त केला. बुमराहच्या पोस्टवर त्याच्या चाहत्यावर्गाने विविध कमेंट केल्या. या पोस्टवर 'हॉट' क्रिकेटपटू म्हणून ओळखली जाणारी इंग्लंडची डॅनियल वॅट हिने कमेंट केली आहे. बुमराह जे वर्कआऊट करतोय ते फारच छोटेखानी आहे. तो जे 'वेट्स' उचलून व्यायाम करतो आहे, ते अत्यंत कमी वजनाचे आहेत, असे तिने कमेंटमध्ये लिहिले आहे. दरम्यान, जसप्रीत बुमराहच्या पाठीच्या दुखापतीबद्दल महत्वाची माहिती समोर आली आहे. बुमराहच्या पाठीच्या दुखापतीला शस्त्रक्रियेची गरज लागणार नसल्याचं समोर आलं होतं. विश्वचषकानंतर वेस्ट इंडिज दौऱ्यात कसोटी मालिकेदरम्यान बुमराहला ही दुखापत झाली होती. ज्यामुळे त्याला भारतीय संघात स्थान मिळालेलं नव्हतं. आपल्या पाठीच्या दुखण्यावर उपचारासाठी बुमराह बीसीसीआयच्या वैद्यकीय पथकासोबत इंग्लंडलाही गेला होता. दक्षिण आफ्रिकेविरुद्ध कसोटी मालिकेत बुमराहला दुखापतीमुळे संघात स्थान मिळालं नव्हतं. मात्र वैद्यकीय पथकाने शस्त्रक्रियेची गरज नसल्याचा अहवाल दिल्यानंतर, आगामी काळात बुमराह संघात लवकरच पुनरागमन करु शकतो. २०२० साली भारताच्या न्यूझीलंड दौऱ्यापर्यंत बुमराह पूर्णपणे तंदुरुस्त होईल अशी अपेक्षा वर्तवली जात आहे. भारतीय संघाचे गोलंदाजी प्रशिक्षक भारत अरुण यांनीही बुमराहच्या तब्येतीच्या घडामोडींवर समाधान व्यक्त केलं आहे.