News Flash

Video : त्या चिमुरड्याच्या गोलंदाजीने पाडली बुमराहला भुरळ

Videoतील मुलाला पाहून बुमराहला आपले बालपणीचे दिवस आठवले

जसप्रित बुमराह

भारत आणि पाकिस्तान हे एकमेकांचे कट्टर प्रतिस्पर्धी. क्रिकेटच्या मैदानावर तर हे दोन संघ युद्धाचे रण असल्यासारखे खेळतात. ICC च्या कोणत्याही मोठ्या स्पर्धेत भारत आणि पाकिस्तान यांच्यात लढत होत असेल, तर साऱ्या जगाचे लक्ष या सामन्याकडे लागलेले असते. पाकिस्तानला पराभूत कराच, त्यानंतर स्पर्धा गमावली तरी चालेल, असेही अनेकदा भारतीय चाहते पाहताना आपण ऐकतो.

क्रिकेटच्या प्रतिभेबाबत भारत आणि पाकिस्तान हे दोनही देश तुल्यबळ आहेत. अगदी लहान मुलांपासून ते युवा खेळाडूंपर्यंत सर्व जण क्रिकेटचे चाहते आहेत. अशाच एका पाकिस्तानी चिमुरड्याने आपल्या गोलंदाजीमुळे भारताचा आघाडीचा वेगवान गोलंदाज जसप्रीत बुमराह याला भुरळ पाडली आहे. उमेर आफ्रिदी याने @afridiomair या ट्विटर हँडलवरून एका ५ वर्षाच्या मुलाच्या गोलंदाजीचा Video ट्विट केला आहे. या Videoमधील मुलगा हा बुमराह सारख्याच स्टाईलने गोलंदाजी करताना दिसत आहे. नुकत्याच झालेल्या आशिया चषक स्पर्धेत बुमराहची गोलंदाजीची शैली पाहिल्यानंतर तो अशी गोलंदाजी करत आहे, असेही ट्विटसोबत लिहिण्यात आले आहे.

ही गोलंदाजीची शैली पाहून बुमराहलाही त्या चिमुरड्याची भुरळ पडली आहे. माझ्या लहानपणी मी माझ्यापुढे आदर्श असलेल्या गोलंदाजांची शैली पाहायचो आणि त्याची नक्कल करायचा प्रयत्न करायचो. आज आपल्या शैलीची कोणीतरी नक्कल करते आहे, ही बाब खूपच आनंददायी आहे, असे बुमराहने ट्विट केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 23, 2018 5:45 pm

Web Title: jasprit bumrah overwhelmed by 5 year old pakistani boy imitating his bowling style
टॅग : Jasprit Bumrah
Next Stories
1 स्थानिक क्रिकेटमध्येही मी तितक्याच जोशाने खेळतो – अजिंक्य रहाणे
2 ‘स्पॉट फिक्सिंग’बाबत अल जझीराने केलेल्या आरोपावर पाकिस्तान म्हणतं….
3 Ind vs WI : दुसऱ्या वन-डे सामन्यासाठी भारतीय संघात बदल नाही
Just Now!
X