28 February 2021

News Flash

जागतिक कनिष्ठ कुस्ती स्पर्धा : निवड चाचणी स्पर्धेद्वारे जितेंदर भारतीय संघात

सुशील कुमारचे ऑलिम्पिक पात्रतेचे स्वप्न भंगण्याची चिन्हे

| January 4, 2020 04:49 am

सुशील कुमारचे ऑलिम्पिक पात्रतेचे स्वप्न भंगण्याची चिन्हे

नवी दिल्ली : जितेंदर कुमारने ७४ किलो वजनी गटाची निवड चाचणी स्पर्धा जिंकून इटली आणि नवी दिल्ली येथे होणाऱ्या कुस्ती स्पर्धासाठी भारतीय संघातील स्थान पक्के केले आहे. त्यामुळे दोन ऑलिम्पिक पदके जिंकणारा कुस्तीपटू सुशील कुमारचे यंदा टोक्यो ऑलिम्पिकसाठी पात्र ठरण्याचे स्वप्न भंगण्याची चिन्हे आहेत.

मातब्बर कुस्तीपटूंचा सहभाग असलेल्या ७४ किलो वजनी गटात जितेंदरने अमित धनकरचा ५-२ असा पराभव केला. या निवड चाचणी स्पर्धेतून सुशील कुमारने हाताच्या दुखापतीमुळे माघार घेतली होती. शुक्रवारी निवड चाचणी स्पर्धेत विजयी होणाऱ्या कुस्तीपटूलाच इटलीतील मानांकन कुस्ती स्पर्धा (१५ ते १८ जानेवारी), नवी दिल्ली येथे होणाऱ्या आशियाई कुस्ती अजिंक्यपद स्पर्धेत (१८ ते २३ जानेवारी) आणि शिआन येथील आशियाई ऑलिम्पिक पात्रता स्पर्धेत (२७ ते २९ मार्च) सहभागी होता येईल, असे भारतीय कुस्ती महासंघाने याआधीच स्पष्ट केले आहे.

जर इटली आणि नवी दिल्ली येथील स्पर्धामध्ये कुस्तीपटूंची कामगिरी समाधानकारक झाली नाही तर आशियाई ऑलिम्पिक पात्रता स्पर्धेसाठी नव्याने निवड चाचणी लढती खेळवून कुस्तीपटूंची निवड करू. आम्हाला आमचे सर्वोत्तम कुस्तीपटू ऑलिम्पिकसाठी पाठवायचे आहेत.

– ब्रिजभूषण शरण सिंग, अध्यक्ष, भारतीय कुस्ती महासंघ

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 4, 2020 4:49 am

Web Title: jitender kumar wins trials for asian championship zws 70
Next Stories
1 ‘महाराष्ट्र केसरी’ कुस्ती स्पर्धा : हणमंत, आबासाहेब यांची सोनेरी कामगिरी
2 भारतीय बुद्धिबळ महासंघाची निवडणूक ९ फेब्रुवारीला
3 आता बुमराच्या मार्गदर्शनाची संधी -नवदीप
Just Now!
X