रॅडिकल सांस्कृतिक क्रीडा मंडळातर्फे आयोजित सुवर्णचषक जिल्हास्तरीय कबड्डी स्पर्धेत श्री समर्थ (कालवार), रॅडिकल (गावदेवी) आणि होतकरू (ठाणे) या संघांनी विजेतेपदावर नाव कोरले.
पुरुष प्रथम श्रेणीत कालवारच्या श्री समर्थ संघाने ठाण्याच्या श्री मावळी मंडळ संघावर २५-२० असा विजय मिळवला. काळूराम म्हात्रे, सागर पाटील, निखिल म्हात्रे यांनी दिमाखदार खेळ केला. पुरुष द्वितीय श्रेणीत रॅडिकल क्रीडा मंडळाने चिंचपाडावर (कल्याण) १२-११ असा निसटता विजय मिळवला.
महिला गटात होतकरू संघाने प्रेरणा संघाला २३-२० असे नमवले. अद्वैता मांगले, सायली परुळेकर आणि चैताली बोऱ्हाडे या विजयाच्या शिल्पकार ठरल्या.
पुरुष प्रथम श्रेणी मालिकावीर म्हणून काळूराम म्हात्रेची निवड झाली. निखिल म्हात्रे उत्कृष्ट पकडपटू ठरला. द्वितीय श्रेणीत अमोल ठाकूर मालिकावीर तर गणेश ठाकूर सवरेत्कृष्ट पकडपटू ठरला. महिलांमध्ये चंद्रिका जोशी मालिकावीर तर हर्षला मोरे सवरेत्कृष्ट पकडपटू पुरस्काराच्या मानकरी ठरल्या.