News Flash

तुझ्यासोबत खेळायला मिळालं हा माझा सन्मान…धोनीच्या निवृत्तीनंतर केदार जाधव भावूक

केदार जाधवला संधी देण्यात धोनीचा मोठा वाटा

आंतरराष्ट्रीय क्रिकेटला रामराम करणाऱ्या धोनीने सर्व चाहत्यांना धक्का दिला. १५ ऑगस्टला संध्याकाळी धोनीने सोशल मीडियावर एक व्हिडीओ टाकत आपल्या निवृत्तीची घोषणा केली. भारतीय संघातले धोनीचे चाहते त्याला त्याच्या पुढील आयुष्यासाठी शुभेच्छा देत आहेत. आंतरराष्ट्रीय क्रिकेटमधून निवृत्ती स्विकारली असली तरीही धोनी आयपीएलमध्ये खेळत राहणार आहे. आपल्या कारकिर्दीत धोनीने अनेक खेळाडूंना संधी दिल्या. महाराष्ट्राचा खेळाडू केदार जाधव हा देखील त्यापैकी एक.

अवश्य वाचा – IPL 2020 : १९ तारखेला टॉस दरम्यान भेटू, निवृत्ती घेतलेल्या धोनीला रोहित शर्माच्या हटके शुभेच्छा

धोनीने निवृत्ती स्विकारल्यानंतर केदार जाधवही भावूक झाला आहे. आपल्या सोशल मीडिया अकाऊंटवर एक भावनिक संदेश लिहीत त्याने धोनीला शुभेच्छा दिल्या आहेत. “तुझ्यासोबत जेवढा वेळ घालवला त्यामधून अनेक गोष्टी शिकायला मिळाल्या. माझ्यासारख्या अनेक खेळाडूंना तुझ्यामुळे प्रेरणा मिळाली आहे. तुझ्यासारखा मोठा भाऊ, मार्गदर्शक लाभणं हे मी माझं भाग्य समजतो. तुझ्यासोबत खेळायला मिळणं हा माझा सन्मान आहे”, अशा शब्दांत केदारने धोनीला शुभेच्छा दिल्या आहेत.

भारतीय संघात उशीरा संधी मिळालेल्या केदार जाधवचा धोनीने मोठ्या खुबीने वापर केला. अनोख्या गोलंदाजी शैलीमुळे प्रसिद्ध असलेल्या केदारला गोलंदाजी करायला भाग पाडत धोनीने भारतीय संघाला महत्वाचे बळी मिळवून दिले.

अवश्य वाचा – धोनीच्या निवृत्तीनंतर दिनेश कार्तिकची BCCI ला विनंती, 7 नंबरची जर्सी रिटायर करा !

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 16, 2020 3:45 pm

Web Title: kedar jadhav share emotional message on ms dhoni retirement psd 91
Next Stories
1 धोनीच्या निवृत्तीवर पाकिस्तानी महिला क्रिकेटपटू म्हणते…
2 IPL 2020 : १९ तारखेला टॉस दरम्यान भेटू, निवृत्ती घेतलेल्या धोनीला रोहित शर्माच्या हटके शुभेच्छा
3 धोनीनं ७ वाजून २९ मिनिटांनी निवृत्ती घेण्यामागेही एका स्वप्नभंगांचं कारण?
Just Now!
X