भारतीय संघाला सध्या दुखापतीचं ग्रहण लागलेलं आहे. अनेक महत्वाचे खेळाडू सध्या दुखापतीमुळे संघाबाहेर आहेत. शिखर धवनलाही डाव्या खांद्याला दुखापत झाल्यामुळे वन-डे मालिकेत खेळता आलेलं नव्हतं. शिखरवर नंतर बंगळुरुच्या राष्ट्रीय क्रिकेट अकादमीत उपचार करण्यात येत होते. शिखरने आपल्या इन्स्टाग्राम पोस्टवर, घोड्यावर बसलेला फोटो टाकत आपण पुनरागमनासाठी सज्ज असल्याचं सांगितलं आहे. View this post on Instagram Kitne bowler they? #Gabbar is back A post shared by Shikhar Dhawan (@shikhardofficial) on Feb 23, 2020 at 3:35am PST कितने बॉलर थे?? गब्बर इज बॅक.अशी कॅप्शन टाकत शिखरने आपण पुनरागमनासाठी सज्ज असल्याचं सांगितलं आहे. दरम्यान न्यूझीलंड दौऱ्यावर असलेल्या भारतीय संघाची कामगिरी फारशी चांगली होताना दिसत नाहीये. टी-२० मालिकेत ५-० ने बाजी मारल्यानंतर भारतीय संघाला वन-डे मालिकेत ३-० ने पराभव स्विकारावा लागला. यानंतर वेलिंग्टन कसोटी सामन्यातही न्यूझीलंडने भारतावर १० गडी राखत दणदणीत विजय मिळवला.
