13 August 2020

News Flash

कोरिया ओपन सुपर सीरिज: पी व्ही सिंधूची फायनलमध्ये धडक

अंतिम फेरीत सिंधूसमोर जपानच्या नोझोमी ओकुहाराचे आव्हान

संग्रहित छायाचित्र

कोरिया ओपन सुपर सीरिजच्या उपांत्य फेरीत भारताच्या पी व्ही सिंधूने चीनच्या बिंगिजाओवर मात करत अंतिम फेरीत धडक दिली. सिंधूने बिंगिजाओवर २१-१०, १७-२१, २१-१६ ने मात केली. अंतिम फेरीत सिंधूसमोर जपानच्या नोझोमी ओकुहाराचे आव्हान असेल.

कोरिया ओपन सुपर सीरिजच्या उपांत्य फेरीत शनिवारी सिंधूचा सामना चीनच्या बिंगिजाओशी होता. सिंधूने पहिला सेट २१-१० ने जिंकला. हा सामना एकतर्फी होणार की काय असे चित्र दिसत होते. मात्र सहाव्या मानांकित बिंगिजाओने पुनरागमन करत दुसरा सेट २१-१७ ने जिंकला. तिसऱ्या सेटमध्येही बिंगिजाोने सिंधूला टक्कर देण्याचा प्रयत्न केला. पण सिंधूच्या झंझावातासमोर ती अपयशी ठरली. सिंधूने सर्वोत्तम खेळी करत तिसरा सेट २१-१६ ने जिंकला.

फायनलमध्ये सिंधूसमोर जपानच्या नोझोमी ओकुहाराचे आव्हान आहे. दोन आठवड्यांपूर्वी जागतिक बॅडमिंटन अजिंक्यपद स्पर्धेत ओकुहाराने सिंधूचा २१-१९, २०-२२, २२-२० ने पराभव करत विजेतेपद पटकावले होते. आता कोरिया सुपर सीरिजमध्ये ओकुहारावर मात करुन जागतिक बॅडमिंटन अजिंक्यपद स्पर्धेतील पराभवाचा वचपा काढण्याची संधी सिंधूसमोर आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 16, 2017 1:18 pm

Web Title: korea open super series 2017 pv sindhu beats bingjiao in semi final sets up final against nozomi okuhara
टॅग Pv Sindhu
Next Stories
1 विराट कोहली सचिनचा विक्रम मोडणार: सेहवाग
2 प्रीमिअर फुटसाल : दिल्ली ड्रॅगनच्या विजयात रोनाल्डिनोचा गोलचौकार
3 कबड्डीची पकड अन् यशाची मिठी!
Just Now!
X