भारतीय रिअल इस्टेट उद्योजकाने दोन भारतीय क्रिकेटपटू आणि एका वेस्ट इंडिजच्या खेळाडूला सामना फिक्स करण्यासाठी लाच दिल्याचा आरोप इंडियन प्रीमिअर लीगचे माजी कमिशनर ललित मोदी यांनी केला. हा उद्योजक बुकी असल्याचे मोदी यांनी सांगितले. २०१३ मध्ये या तीन खेळाडूंची नावे आंतरराष्ट्रीय क्रिकेट परिषदेचे मुख्य कार्यकारी अधिकारी डेव्ह रिचर्डसन यांना दिल्याचे मोदी यांनी आपल्या ट्विटर हँडलवर म्हटले आहे. या खेळाडूंची नावे मात्र मोदी यांनी ट्विटरवर जाहीर केलेली नाहीत.
