भर पावसात मेस्सी समर्थकांचा आर्जवी मोर्चा

परत ये, परत ये.. हाच पुकार ते करीत होते. भर पावसात शेकडो लिओनेल मेस्सी समर्थक राजधानीतील मोच्र्यात मोठय़ा संख्येने सहभागी झाले होते. मेस्सीच्या धक्कादायक निवृत्तीमुळे निराश झालेल्या या समर्थकांनी त्याने राष्ट्रीय संघात पुन्हा सामील व्हावे, अशी मागणी केली.

गेल्या आठवडय़ात अमेरिकेत झालेल्या कोपा अमेरिका फुटबॉल स्पध्रेच्या अंतिम फेरीत चिलीकडून झालेल्या पराभवानंतर अर्जेटिनाच्या मेस्सीने निवृत्ती पत्करली. यानंतर समाजमाध्यमांवर क्रीडा क्षेत्रातील मान्यवर, कलावंत आणि राजकीय मंडळींनी मोठय़ा प्रमाणात पाठिंबा दिला. शनिवारी पावसामुळे थंडगार वातावरण झाल्यामुळे या मोच्र्याला देशव्यापी प्रतिसाद मिळू शकला नाही.