इंग्लिश प्रीमिअर लीगमधील दोन बलाढय़ संघांमध्ये मंगळवारी रात्री रंगलेल्या मुकाबल्यात मँचेस्टर सिटीने इडिन झेकोच्या दोन गोलांच्या बळावर कट्टर प्रतिस्पर्धी मँचेस्टर युनायटेडवर ३-० असे वर्चस्व गाजवले. या विजयामुळे मँचेस्टर सिटीने अव्वल क्रमांकावर असलेल्या चेल्सीला गाठण्याच्या दिशेने महत्त्वपूर्ण पाऊल टाकले. पण इडिन झेकोने पहिल्याच मिनिटाला गोल करून मँचेस्टर सिटीला आघाडीवर आणले होते. दुसऱ्या सत्राच्या सुरुवातीलाच झेकोने आणखी एक गोल लगावत मँचेस्टर सिटीची आघाडी २-० अशी वाढवली. अखेरच्या मिनिटाला याया टौरे याने तिसऱ्या गोलाची भर घालत सिटीच्या विजयावर मोहोर उमटवली.