इटालियन खुली टेनिस स्पर्धा रोममध्ये सुरू असलेल्या इटालियन खुल्या टेनिस स्पर्धेच्या दुसऱ्या फेरीमध्ये विल्यम्स भगिनींचा आपापसात सामना होणार आहे. गेली दोन दशके टेनिसवर अधिराज्य गाजवलेल्या व्हिनस आणि सेरेना या दोघींनी आपापले पहिल्या फेरीचे सामने जिंकत आगेकूच केली असली तरी दुसऱ्याच फेरीत त्या आमनेसामने आल्यामुळे आता दोघींपैकी एकच आगेकूच करू शकणार आहे. दोन महिन्यानंतर पुनरागमन केलेल्या सेरेनाने पहिल्या फेरीतील लढतीत स्विडनच्या रिबेका पीटर्सनवर ६-२,६-४ अशी मात केली. तर बेल्जियमच्या एलीस मर्टन्सवर विजय मिळवण्यासाठी व्हिनसला ७-५, ३-६,७-६ असा संघर्ष करावा लागला.
