13 August 2020

News Flash

ला लिगा फुटबॉल : मेसीच्या विक्रमी गोलसह बार्सिलोनाचे दमदार पुनरागमन

गेल्या आठवडय़ात पायाच्या दुखापतीमुळे मेसीच्या खेळण्याबाबत शंका निर्माण झाली होती

| June 15, 2020 12:09 am

२० मेसीने यंदाच्या हंगामात २०वा गोल करत ला-लिगाच्या सलग १२ हंगामांमध्ये २० किंवा त्याहून अधिक गोल करणारा एकमेव खेळाडू ठरण्याचा विक्रम केला.

माद्रिद : तीन महिन्यांनंतर स्पेनमधील ला-लिगा फुटबॉलला सुरुवात झाल्यानंतर अव्वल खेळाडू लिओनेल मेसीच्या गोलसह बार्सिलोना संघाने दमदार पुनरागमन केले आहे. बार्सिलोनाने तीन महिन्यांनंतर पहिली लढत खेळताना मॅर्लोकावर ४-० सहज मात केली. याबरोबरच बार्सिलोनाने २८ सामन्यांतून ६१ गुणांसह अव्वल स्थान कायम ठेवले.

गेल्या आठवडय़ात पायाच्या दुखापतीमुळे मेसीच्या खेळण्याबाबत शंका निर्माण झाली होती. मात्र त्यातून दमदार पुनरागमन करत मेसीने मॅर्लोकाविरुद्ध गोल तर केलाच, पण बार्सिलोनासाठी आणखी दोन गोल व्हायला मदत केली. खेळ संपायला काही मिनिटे बाकी असताना मेसीने गोल केला. मात्र त्याआधी बार्सिलोनाकडून अर्टुरो विडालने दुसऱ्या मिनिटाला गोल केला. त्यापाठोपाठ मेसीने मार्टिन ब्रेथवेटला ३७व्या आणि जोर्डी अल्बाला ७९व्या मिनिटाला गोल करण्यासाठी मदत केली. मॅर्लोका ला-लिगामधील २० संघांमध्ये १८व्या स्थानी असून पुढील हंगामात स्थान टिकवण्यासाठी त्यांची धडपड सुरू आहे. बार्सिलोनाकडे दुसऱ्या स्थानावरील रेयाल माद्रिदपेक्षा पाच गुणांची आघाडी अधिक आहे.

खेळाडूंची मिठी

यंदाच्या ला-लिगामध्ये सामाजिक अंतर ठेवण्याचे निर्बंध घालण्यात आलेले असतानाही खेळाडू ते गंभीरपणे घेत नसल्याचे दिसले आहे. सेव्हिलाच्या गुरुवारी झालेल्या सामन्यात खेळाडूंनी गोल केल्यावर एकमेकांना आलिंगन दिले. बार्सिलोनाच्या लढतीतही तेच घडले.

..तरीही चाहता मैदानात

करोनामुळे प्रेक्षकांशिवाय ला-लिगा खेळण्यात येत असली तरीदेखील बार्सिलोनाच्या लढतीत मेसीसोबत छायाचित्र काढायचे असल्याने एक चाहता मैदानात घुसला. मैदानात घुसल्यावर मेसीसह काही खेळाडूंसोबत अंतर राखत त्याने ‘सेल्फी’ काढला. अखेर सुरक्षारक्षकांनी वेळीच त्या व्यक्तीला ताब्यात घेतले. मात्र ला-लिगा व्यवस्थापन समितीने मैदानात घुसणाऱ्या व्यक्तीविरोधात गुन्हा दाखल करणार असल्याचे स्पष्ट केले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 15, 2020 12:09 am

Web Title: messi claims new la liga record in barcelona win zws 70
Next Stories
1 विश्वचषक आणि ‘आयपीएल’ही खेळण्याची इच्छा -रोहित
2 करोनाची लस येईपर्यंत क्रिकेट धोकादायक!
3 “सुशांतची फलंदाजी पाहुन सचिनही झाला होता अवाक्; म्हणाला होता, तो प्रोफेशनल क्रिकेट खेळू शकतो”
Just Now!
X