ऑनलाइनद्वारे होणारी वर्णद्वेषी शेरेबाजी आणि सापत्न वागणुकीच्या निषेधार्थ बार्सिलोनाचा अव्वल फुटबॉलपटू लिओनेल मेसीने आपल्या असंख्य चाहत्यांना पावले उचलण्यास सांगितले आहे. इंग्लिश फुटबॉलमध्ये संघ, खेळाडू तसेच प्रशिक्षकांनी समाजमाध्यमांवर बहिष्कार घालण्याचे ठरवले असून मेसीने त्याला पाठिंबा दर्शवला आहे. ‘‘कुणीही आपला अपमान खपवून घेत नाही. सध्या समाजमाध्यमांवर एकमेकांना अपमानित करण्याचे प्रकार वाढले असून ते रोखण्याच्या दिशेने कुणीही पावले टाकत नाही. त्यामुळे अशा गैरकृत्यांना वेळीच आळा घालणे योग्य ठरेल,’’ असे मेसीने म्हटले आहे.
