माजी कर्णधार मिसबा-उल-हक पाकिस्तान संघाच्या निवड समिती अध्यक्षपदावरून पायउतार झाला आहे. मात्र मुख्य प्रशिक्षकपदी तो कायम राहणार आहे. ‘‘३० नोव्हेंबर रोजी मी निवड समिती अध्यक्षपदावरून पायऊतार होणार असल्याचे पाकिस्तान क्रिकेट मंडळाला कळवले आहे. आगामी झिम्बाब्वे दौऱ्यासाठी मी पाकिस्तान संघाची निवड करणार आहे. मात्र मला मुख्य प्रशिक्षकपदावर अधिक लक्ष केंद्रित करावयाचे आहे. मंडळातील कोणत्याही सदस्याच्या दबावामुळे मी पायऊतार होत नाही. हा माझा वैयक्तिक निर्णय असून यापुढे निवडल्या जाणाऱ्या निवड समिती अध्यक्षाशी पूर्णपणे जुळवून घेईन,’’ असे मिसबाने स्पष्ट केले.
