News Flash

Video : बायकोने झळकावलं शतक, मिचेल स्टार्कने केलं कौतुक

बायकोचा सामना पाहण्यासाठी मैदानात हजर होता स्टार्क

ऑस्ट्रेलियात सुरु असलेल्या महिलांच्या बिग बॅश लिग स्पर्धेत दिग्गज खेळाडू अॅलेसा हेलीने आपल्या लौकिकाला साजेसा खेळ करत शतकी खेळी केली. सिडनी सिक्सर्सकडून खेळणाऱ्या हेलीने मेलबर्नविरुद्ध सामन्यात खेळताना मैदानात चौफेर फटकेबाजी करत ४८ चेंडूत आपलं शतक पूर्ण केलं. ५२ चेंडूत १११ धावांची खेळी करणाऱ्या हेलीने मैदानात १५ चौकार आणि ६ खणखणीत षटकार ठोकले. हेलीच्या या शतकी खेळाच्या जोरावर सिडनी संघाने मेलबर्नवर ५ गडी राखून विजय मिळवला.

या सामन्याचं वैशिष्ट्य ठरलं ते म्हणजे आपल्या पत्नीची खेळी पाहण्यासाठी मैदानात आलेला ऑस्ट्रेलियाचा जलदगती गोलंदाज मिचेल स्टार्क. हेलीने चौकार लगावत शतक पूर्ण केल्यानंतर स्टार्कनेही टाळ्या वाजवत बायकोचं कौतुक केलं. सोशल मीडियावर हा व्हिडीओ व्हायरल झाला आहे.

एप्रिल २०१६ मध्ये मिचेल स्टार्क आणि हॅली यांचा विवाहसोहळा पार पडला. दोघेही जण आंतरराष्ट्रीय स्तरावर ऑस्ट्रेलियाचं प्रतिनिधीत्व करतात. मिचेल स्टार्क हा आपल्या वेगवान गोलंदाजी आणि भन्नाय यॉर्कर चेंडूंसाठी ओळखला जातो. तर अॅलेसा हेली ही यष्टीरक्षक-फलंदाज म्हणून खेळते. याआधीही फेब्रुवारी महिन्यात महिला टी-२० विश्वचषकाच्या अंतिम फेरीत बायकोला खेळताना पाहण्यासाठी मिचेल स्टार्क ऑस्ट्रेलिया दौऱा अर्धवट सोडून परत मायदेशी परतला होता.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 23, 2020 12:26 pm

Web Title: mitchell starc applauds from the stands as wife alyssa healy slams 48 ball hundred in wbbl psd 91
Next Stories
1 ऑस्ट्रेलिया दौऱ्यात यष्टीरक्षक म्हणून लोकेश राहुलला पहिली पसंती मिळावी !
2 कोणत्याही जागेवर फलंदाजीसाठी तयार, मॅनेजमेंटने निर्णय घ्यावा – रोहित शर्मा
3 …तर रोहित-इशांतला ३-४ दिवसांत ऑस्ट्रेलियासाठी निघावं लागेल – रवी शास्त्री
Just Now!
X