09 April 2020

News Flash

धोनी आंतरराष्ट्रीय क्रिकेटमध्ये पुनरागमन करण्याच्या तयारीत

महत्वाच्या मालिकेतून पुनरागमन करण्याची चिन्ह

२०१९ विश्वचषक स्पर्धेत भारतीय संघाचं आव्हान उपांत्य फेरीत संपुष्टात आल्यानंतर महेंद्रसिंह धोनीने भारतीय संघातलं आपलं स्थान गमावलं आहे. आगामी टी-२० विश्वचषक आणि धोनीचं वाढतं वय लक्षात घेता, त्याच्या संघातील पुनरागमनाच्या शक्यता कमी झाल्या आहेत. मात्र आगामी वर्षात धोनी आंतरराष्ट्रीय क्रिकेटमध्ये खेळताना दिसू शकतो.

बांगलादेश क्रिकेट बोर्डाने आगामी वर्षात Asia XI vs Rest of World XI अशा टी-२० सामनाच्याचं आयोजन करण्याची तयारी दाखवली आहे. १८ आणि २१ मार्च २०२० रोजी ढाका शहरात हे सामने होणार आहेत. या सामन्यांसाठी भारतीय संघातील ७ खेळाडूंना परवानगी द्यावी अशी मागणी बांगलादेश क्रिकेट बोर्डाने बीसीसीआयला केल्याचं समजतंय. या ७ भारतीय खेळाडूंमध्ये विराट कोहली, रोहित शर्मा, जसप्रीत बुमराह, हार्दिक पांड्या, भुवनेश्वर कुमार आणि महेंद्रसिंह धोनी यांचा समावेश असल्याचं कळतंय.

“होय, बांगलादेश क्रिकेट बोर्डाने Asia XI vs Rest of World XI सामन्यांचं आयोजन केलं आहे. यासाठी आम्ही बीसीसीआय आणि इतर आशियाई क्रिकेट बोर्डाच्या अधिकाऱ्यांशी संपर्कात आहोत.” बांगलादेश क्रिकेट बोर्डाचे अधिकारी निझामुद्दीन चौधरी यांनी प्रसारमाध्यमांना माहिती दिली. याआधी २००७ साली धोनी Asia XI vs Africa XI या मालिकेत खेळला होता. त्यामुळे बीसीसीआय आता बांगलादेश क्रिकेट बोर्डाच्या विनंतीवर काय निर्णय घेतं हे पाहणं महत्वाचं ठरणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 26, 2019 1:57 pm

Web Title: ms dhoni among 7 indian players to play for asia xi bcb reaches out to bcci for marquee event psd 91
टॅग Bcci,Ms Dhoni
Next Stories
1 ICC Test Ranking – मयांक अग्रवाल TOP 10 मध्ये दाखल
2 “माझा कोणीही मान राखत नाही”; भावनिक ख्रिस गेलची टी २० स्पर्धेतून माघार
3 सूर्यकुमारच्या झंझावातापुढे कर्नाटक निष्प्रभ
Just Now!
X