भारतीय क्रिकेट संघाचा कर्णधार महेंद्रसिंग धोनीचे फुटबॉलप्रेम सर्वश्रुत आहे. सध्या देशात १२ ऑक्टोबरपासून सुरू होणाऱ्या इंडियन सुपर लीगची (आयएसएल) रणधुमाळी जोरात सुरू आहे. सचिन तेंडुलकर, विराट कोहली यांच्यापाठोपाठ आता धोनीसुद्धा आयएसएलच्या मैदानावर अवतरला आहे. चेन्नईन एफसी संघाचा धोनी सहमालक झाला आहे. बॉलीवूड अभिनेता अभिषेक बच्चनसुद्धा याच संघाचा मालक आहे. ‘‘धोनीने चेन्नईन एफसी संघाचा सहमालक म्हणून करारावर स्वाक्षऱ्या केल्या आहेत,’’ अशी माहिती या स्पध्रेचे संयोजक आयएमजी-रिलायन्स यांनी दिली. आयएसएल स्पर्धा १२ ऑक्टोबर ते २० डिसेंबर या कालावधीत चालणार आहे.आयएसमधील क्रिकेटपटू मालक क्रिकेटपटू संघसौरव गांगुली अ‍ॅटलेटिको डी कोलकातासचिन तेंडुलकर केरळा ब्लास्टर्स विराट कोहली एफसी गोवा महेंद्रसिंग धोनी चेन्नईन एफसी
