एकीकडे आंतरराष्ट्रीय क्रिकेटमध्ये महेंद्रसिंह धोनीच्या निवृत्तीच्या चर्चांना उधाण आलेलं आहे. मात्र दुसरीकडे धोनी आपल्या सहकाऱ्यांसोबत गली क्रिकेट चा आनंद घेतो आहे. आंतरराष्ट्रीय क्रिकेटमधून काही महिन्यांसाठी विश्रांती घेतलेला धोनी सध्या आपला परिवार आणि मित्रांसोबत वेळ घालवतो आहे. आपल्या मित्रांसोबत गली क्रिकेट खेळतानाचा एक व्हिडीओ धोनीने आपल्या इन्स्टाग्राम अकाऊंटवर पोस्ट केला आहे. View this post on Instagram Wen U know what’s coming and start the camera and u get it in the nxt 1min, sorry for the bad light but it’s the lingo that’s fun trial ball, umpires decision last decision.brings back memory from school days.he wd have never accepted this ever happened if v didn’t have this video.all of us have witnessed this at some point of time in cricket.enjoy A post shared by M S Dhoni (@mahi7781) on Sep 24, 2019 at 4:16am PDT धोनीने पोस्ट केलेल्या व्हिडीओमध्ये त्याचा मित्र पहिल्याच चेंडूवर बोल्ड झालेला दिसतो आहे. मात्र बाद झाल्यानंतरही धोनीच्या या मित्राने लाईट कमी असल्यामुळे चेंडू दिसला नाही आणि पहिला बॉल ट्रायल बॉल असतो असं म्हणत पुन्हा एकदा फलंदाजीची संधी मिळवली. हा व्हिडीओ पोस्ट करताना धोनीने, शाळेतल्या सर्व जुन्या आठवणी परत जाग्या झाल्याचं म्हटलं आहे. २०१९ विश्वचषकानंतर भारतीय संघात ऋषभ पंतला पहिल्या पसंतीचा यष्टीरक्षक म्हणून पसंती देण्यात आली. धोनीवर निवृत्तीचा दबाव वाढत असतानाच आगामी टी-२० विश्वचषकाच्या दृष्टीकोनातून विराट आणि संघ व्यवस्थापनाने विनंती केल्यामुळे धोनीने आपल्या निवृत्तीचा निर्णय पुढे ढकलला आहे.