२०१९ विश्वचषक स्पर्धेत भारतीय संघाचं आव्हान उपांत्य फेरीत संपुष्टात आलं. त्यानंतर महेंद्रसिंह धोनीने भारतीय संघातलं आपलं स्थान गमावलं. आगामी टी २० विश्वचषक आणि धोनीचं वाढतं वय लक्षात घेता त्याच्या संघातील पुनरागमनाच्या शक्यता कमी झाल्या आहेत. मात्र आगामी वर्षात धोनी आंतरराष्ट्रीय क्रिकेटमध्ये खेळताना दिसू शकतो असे सांगण्यात येत आहे. या दरम्यान सुप्रसिद्ध गायक जेस्सी गिल याने धोनीचे आभार मानल्यामुळे तो चर्चेत आहे. गायक जेस्सी गिल याने काही दिवसांपूर्वी ३१ व्या वर्षात पदार्पण केले. त्याचा यंदाचा वाढदिवस खास ठरला. कारण त्याच्या या वाढदिवशी चक्क धोनी पती-पत्नीने त्याचा वाढदिवस साजरा केला. महेंद्रसिंग धोनी आणि साक्षी धोनी यांनी या पार्टीचे यजमानपद भुषवले. त्यांच्या घरी जेस्सी गिल याचा वाढदिवस साजरा करण्यात आला. View this post on Instagram Thanku @mahi7781 bai & @sakshisingh_r for having us there We all had a wonderful time !! #unforgettabletrip @preeti_simoes @neeti_simoes @priiyanshuchopraa @aarticia A post shared by Jassie Gill (@jassie.gill) on Dec 3, 2019 at 6:23am PST वाढदिवस साजरा झाल्यानंतर जेस्सी गिलने त्या पार्टीचे फोटो आपल्या इन्स्टाग्राम अकाऊंटवर पोस्ट केले. त्यात त्याने धोनी आणि साक्षीचे 'अविस्मरणीय' वाढदिवसासाठी आभार मानले. दरम्यान, २०१९ च्या एकदिवसीय विश्वचषक स्पर्धेत भारताला उपांत्य फेरीत पराभव स्वीकारावा लागला. त्यानंतर धोनीने २ महिन्याची विश्रांती घेतली. भारतीय संघ विंडिज दौऱ्यावर असताना माजी कर्णधार महेंद्रसिंग धोनीने दौऱ्यातून माघार घेतली होती. त्या काळात तो भारतीय जवानांसोबत काश्मीर खोऱ्यात गस्त घालत होता. त्याने काश्मीर खोऱ्यातील १०६ TA बटालियन (पॅरा) सोबत भारतीय सैन्यात सेवा दिली आणि सुमारे २ महिन्यांनंतर तो स्वगृही परतला. त्यानंतर धोनी मैदानावर परतणार असे वाटत असतानाच तो आणखी विश्रांती घेत असल्याचे सांगण्यात आले आहे.