05 June 2020

News Flash

“आता बॅटनेच टीकाकारांना उत्तर देणार”; मुंबईकर क्रिकेटपटूचा निर्धार

कामगिरीतील सातत्याच्या अभावामुळे टीका

करोना व्हायरसच्या प्रादुर्भावामुळे जगभरात भीतीचे वातावरण आहे. लाखो लोकांना करोना व्हायरसचा फटका बसला आहे. प्रत्येक देश आपापल्या परीने या व्हायरसशी झुंज देत आहे. विविध उपाययोजना करण्यात येत आहेत. करोनाचा फटका क्रीडा विश्वालाही बसला असून बहुतांश क्रीडा स्पर्धा रद्द झाल्या आहेत. लवकरात लवकर क्रीडा स्पर्धा सुरू व्हाव्यात आणि नवोदित खेळाडूंना संधी मिळावी अशी भावना सर्व क्रीडापटूंच्या मनात आहे. क्रिकेटचे सामने पुन्हा सुरू झाले की मी माझ्यावर करण्यात आलेल्या टीकेला माझ्या बॅटनेच उत्तर देईन, असे मत भारताचा उदयोन्मुख खेळाडू पृथ्वी शॉ याने व्यक्त केले आहे.

Coronavirus : क्रीडाविश्वावर शोककळा! महान क्रिडापटूचे उपचारादरम्यान निधन

“१९ वर्षाखालील युवा विश्वचषक स्पर्धेचे विजेतेपद मिळवणे आणि आंतरराष्ट्रीय क्रिकेट कारकिर्दीत पहिल्याच सामन्यात शतक ठोकणे या दोनही गोष्टी माझ्यासाठी खूपच खास आहेत. पण मला माझ्या कामगिरीत सातत्य राखता आले नाही हे देखील तितकेच खरे आहे. बंदी असलेल्या पदार्थाचे सेवन टाळणे हे माझ्या हातात होते, पण घोट्याची झालेली दुखापत माझ्या नियंत्रणात नव्हती. मला आता एक गोष्ट कळून चुकली आहे की मी १०० टक्के लोकांना सर्वकाळ खुश ठेवू शकत नाही”, असे पृथ्वीने स्पष्ट केले.

विराटला धक्का! बेन स्टोक्सने केला दमदार विक्रम

“खेळावर आणि कामगिरीवर टीका होणे हा खेळाचाच एक भाग आहे. सध्या मी त्याबाबत एक योजना आखली आहे की जे लोक माझ्यावर टीका करतात त्यांच्या टीकांना सकारात्मक दृष्टीकोनातून बघायचं आणि त्यांनी सांगितलेल्या चुकांवर मेहनत घेऊन त्या चुका दुरूस्त करायच्या. २०१९ हे वर्ष माझ्यासाठी फारसं चांगलं गेलं नाही. प्रत्येकाच्या आयुष्यात असा काळ येतोच, पण आता मी तोंडाची वाफ दवडणार नाही, टीकाकारांना थेट माझ्या बॅटनेच उत्तर देईन”, अशा शब्दात त्याने आपला निर्धार व्यक्त केला.

हार्दिक पांड्याच्या ‘कॉफी विथ करण’ प्रकरणावर युवराजचं सडेतोड मत, म्हणाला…

पृथ्वी शॉ ने पदार्पण केल्यानंतर तो आधी दुखापतीमुळे आणि नंतर बंदीच्या शिक्षेमुळे दीर्घकाळ क्रिकेटपासून दूर होता. त्यानंतर रोहित शर्मा आणि शिखर धवन हे दोघेही दुखापतग्रस्त असल्याने त्याला मयंक अग्रवालसोबत न्यूझीलंड दौऱ्यावर सलामीला फलंदाजी करण्याची संधी मिळाली होती, पण त्याला चांगली कामगिरी करता आली नाही, त्यामुळे त्याच्यावर जोरदार टीका करण्यात आली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 9, 2020 12:44 pm

Web Title: mumbai cricketer prithvi shaw says will respond to criticism with bat after coronavirus lockdown ends vjb 91
Next Stories
1 विराटला धक्का! बेन स्टोक्सने केला दमदार विक्रम
2 वरिष्ठ खेळाडूंविषयी आदराचा अभाव!
3 भारताविरुद्ध कसोटी मालिका जिंकण्याचे स्मिथचे लक्ष्य
Just Now!
X