अभिनव कला-क्रीडा अकादमीने आयोजित केलेल्या अखिल भारतीय कबड्डी स्पर्धेच्या सलामीच्या लढतीत महिलांमध्ये मुंबई पोलिसांच्या संघाने पालघरच्या नवख्या एचडीआयएल संघाचा ४१-१५ असा धुव्वा उडवला. मुंबई पोलिसांकडून पद्मिनी चव्हाण आणि शिरिषा शेलार यांनी जोरदार चढाया केल्या. पुरुषांमध्ये ठाणे पोलिसांना आरसीएफने २१-१४ असे पराभूत केले. सुरेश कुळे आणि सचिन पाष्टे यांनी आरसीएफकडून दमदार कामगिरी केली.