27 May 2020

News Flash

४-५ संधी मिळतील, स्वतःला सिद्ध करा ! कर्णधार विराटचा नवोदीत खेळाडूंना सल्ला

आगामी टी-२० विश्वचषकासाठी भारतीय संघाची संघबांधणी सुरु

वेस्ट इंडिज दौऱ्यात बाजी मारल्यानंतर भारतीय संघाच्या घरच्या मैदानावरील सामन्यांना सुरुवात झाली आहे. दक्षिण आफ्रिकेविरुद्ध धर्मशाळा येथे खेळवण्यात येणारा पहिला सामना पावसाच्या व्यत्ययामुळे रद्द झाला. २०२० साली ऑस्ट्रेलियात होणाऱ्या टी-२० विश्वचषकासाठी बीसीसीआय आणि भारतीय संघ व्यवस्थापनाने आतापासून कंबर कसायला सुरुवात केली आहे. अधिकाधीक नवोदीत आणि तरुण खेळाडूंना संधी देण्याचा भारतीय संघ व्यवस्थापनाचा विचार आहे. मात्र संघात स्थान टिकवून ठेवण्याच्या मोजक्या संधी मिळतील, त्याचा वापर करा, असा सूचक इशारा कर्णधार विराट कोहलीने संघातील तरुण खेळाडूंना दिला आहे.

“विश्वचषकाआधी आम्हाला ३० सामने खेळायला मिळतील. संघाचा विचार केला तर आमची रणनिती ठरली आहे. मी ज्यावेळी भारतीय संघात पदार्पण केलं, त्यावेळी मी देखील मला सिद्ध करण्यासाठी खूप साऱ्या संधी मिळतील अशी अपेक्षा केली नव्हती. तुम्हाला ४-५ संधी मिळतील, त्याचा तुम्हाला लाभ घेता आला पाहिजे. आम्ही सध्या या तोडीचा खेळाडू शोधत आहोत.” Star Sports वाहिनीशी बोलत असताना विराट बोलत होता. जो खेळाडू मिळालेल्या संधीचं सोन करेल तो संघात आपलं स्थान टिकवेलं, हे देखील विराटने स्पष्ट केलं.

टी-२० विश्वचषकासोबतच भारत सध्या सुरु असलेल्या कसोटी अजिंक्यपद स्पर्धेकडेही लक्ष ठेवून आहे. या स्पर्धेसाठीही नवीन खेळाडूंना संधी देण्याचा विचार असल्याचं विराटने बोलून दाखवलं. दरम्यान पहिला सामना पावसामुळे रद्द झाल्यानंतर, भारत आणि दक्षिण आफ्रिका यांच्यातील दुसरा टी-२० सामना बुधवारी चंदीगढच्या मैदानावर खेळवण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 16, 2019 7:40 pm

Web Title: never expected more than 5 opportunities expect same mindset from youngsters says virat kohli psd 91
Next Stories
1 ICC Test Rankings : स्मिथ, कोहली आपल्या स्थानी कायम
2 Video : …अन् इंग्लंडच्या जाळ्यात स्मिथ सहज अडकला
3 भल्याभल्या संघांना जे जमलं नाही, ते अफगाणिस्तानने करून दाखवलं…
Just Now!
X