News Flash

न्यूझीलंडचा श्रीलंके वर विजय

कोरे अँडरसन आणि कर्णधार ब्रेंडन मॅक्क्युलम यांची अर्धशतके आणि मिचेल मॅक्लेघानच्या चार बळींच्या जोरावर न्यूझीलंडने पहिल्या एकदिवसीय सामन्यामध्ये श्रीलंकेवर तीन विकेट्सने विजय मिळवला.

| January 12, 2015 12:54 pm

कोरे अँडरसन आणि कर्णधार ब्रेंडन मॅक्क्युलम यांची अर्धशतके आणि मिचेल मॅक्लेघानच्या चार बळींच्या जोरावर न्यूझीलंडने पहिल्या एकदिवसीय सामन्यामध्ये श्रीलंकेवर तीन विकेट्सने विजय मिळवला. ८१ धावांची खेळी साकारणाऱ्या अँडरसनला सामनावीराच्या पुरस्काराने गौरविण्यात आले. या विजयासह न्यूझीलंडने सात एकदिवसीय सामन्यांच्या मालिकेत १-० अशी आघाडी घेतली आहे.
श्रीलंकेने नाणेफेक जिंकत प्रथम फलंदाजी करण्याचा निर्णय घेतला.
न्यूझीलंडच्या भेदक माऱ्यापुढे श्रीलंकेच्या फलंदाजांना जास्त काळ खेळपट्टीवर टिकाव धरता आला नाही, याला अपवाद ठरला तो फक्त महेला जयवर्धने. १२ चौकार आणि एका षटकाराच्या जोरावर जयवर्धनेने १०४ धावांची खेळी साकारल्यामुळे श्रीलंकेला २१८ धावा करता आल्या.
या आव्हानाचा पाठलाग करताना न्यूझीलंडची सुरुवात चांगली झाली नव्हती. पण मॅक्क्युलमने २२ चेंडूत ६ चौकार आणि तीन षटकांच्या जोरावर ५१ धावांची खेळी साकारली. पण तो बाद झाल्यावर न्यूझीलंडचा संघ पुन्हा एकदा अडचणीत सापडला असताना अँडरसनने ११ चौकार आणि एका षटकाराच्या जोरावर ८१ धावांची खेळी साकारत संघाला विजय मिळवून दिला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 12, 2015 12:54 pm

Web Title: new zealand win thrilling first odi against sri lanka at christchurch
Next Stories
1 ‘स्टुअर्ट बिन्नी विश्वचषकात टीकाकारांना चोख प्रत्युत्तर देईल’
2 विश्वचषक २०१५: असे आहेत १४ देशांचे ‘अंतिम संघ’
3 प्रशिक्षकाला निवड प्रक्रियेत स्थान असावे!
Just Now!
X