नेयमारने केलेल्या दोन गोलांमुळेच ब्राझीलने अमेरिकेविरुद्धच्या मैत्रीपूर्ण फुटबॉल लढतीत शानदार विजय मिळविला. घरच्या मैदानावर चांगल्या कामगिरीची अमेरिकेला आशा होती, मात्र नेयमारने त्यांची निराशा केली. विश्वचषक स्पर्धेच्या पात्रता फेरीत पुढील महिन्यात ब्राझीलची चिली संघाशी गाठ पडणार आहे. अमेरिकेविरुद्ध मिळविलेल्या विजयामुळे त्यांचे मनोधैर्य उंचावले आहे. हुल्क व राफिना यांनी प्रत्येकी एक गोल करीत ब्राझीलच्या विजयास हातभार लावला. अमेरिकेचा एकमेव गोल डॅनी विल्यम्स याने ९०व्या मिनिटाला केला. त्याने ३० यार्ड्स अंतरावरून सुरेख फटका मारून हा गोल केला.
