27 May 2020

News Flash

टी-२० संघात स्थान न मिळाल्याची चिंता नाही – कुलदीप यादव

कुलदीप यादव स्वतःच्या कामगिरीवर समाधानी

कुलदीप यादव

विंडीजपाठोपाठ दक्षिण आफ्रिकेविरुद्ध टी-२० मालिकेत कुलदीप यादव आणि युजवेंद्र चहलला भारतीय संघातून विश्रांती देण्यात आली. नवोदीत खेळाडूंना संधी मिळण्यासाठी हे पाऊल उचलल्याचं कर्णधार विराट कोहली आणि संघ व्यवस्थापनाने स्पष्ट केलं होतं. मात्र संघात आपल्याला स्थान मिळालं नसलं तरीही कुलदीपला त्याची चिंता वाटत नाहीये. नुकत्याच पीटीआयला दिलेल्या मुलाखतीत त्याने आपली बाजू स्पष्ट केली.

“मी आतापर्यंत मर्यादीत षटकांच्या सामन्यात चांगली कामगिरी केली आहे. टी-२० मालिकेत मला संघात स्थान मिळालं नाही याची मला चिंता वाटत नाही. कदाचीत मला विश्रांतीची गरज आहे असा निवड समितीने विचार केला असेल, किंवा संघात काहीतरी बदल आवश्यक असतील. मला कोणत्याही गोष्टीची तक्रार करायची नाही. याचा फायदा मी कसोटी क्रिकेटमध्ये स्वतःची कामगिरी सुधारण्याकडे देईन.” कुलदीप यादव पीटीआयशी बोलत होता.

मैसूर येथे पार पडलेल्या अनौपचारिक कसोटी सामन्यात कुलदीपला भारत अ संघात स्थान देण्यात आलं होतं. दक्षिण आफ्रिका अ संघाने हा सामना अनिर्णित राखण्यात यश मिळवलं. कुलदीपने या सामन्यात २९ षटकं टाकत १२१ धावा देत ४ बळी घेतले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 20, 2019 7:27 pm

Web Title: not worried about exclusion from t20is says kuldeep yadav psd 91
टॅग Kuldeep Yadav
Next Stories
1 श्रीलंकेच्या खेळाडूवर आयसीसीची मोठी कारवाई, एका वर्षासाठी केलं निलंबीत
2 World Boxing Championship : अमित पांघलची ऐतिहासिक कामगिरी, अंतिम फेरीत धडक
3 धक्के मारुन बाहेर काढण्याआधीच धोनीने निवृत्त व्हावं – गावसकर
Just Now!
X