18 January 2021

News Flash

करोनाचा फटका : दक्षिण आफ्रिका विरुद्ध इंग्लंड यांच्यातली वन-डे मालिका पुढे ढकलली

दोनवेळा पुढे ढकलण्यात आला होता सामना

दक्षिण आफ्रिका आणि इंग्लंड यांच्यातील प्रस्तावित ३ वन-डे सामन्यांच्या मालिकेचं आयोजन पुढे ढकलण्यात आलं आहे. आयसीसीने याबद्दल आज अधिकृत घोषणा केली.

दोन्ही क्रिकेट बोर्डाच्या अधिकाऱ्यांनी चर्चा करत हा निर्णय घेतला आहे. ४ डिसेंबर रोजी दोन्ही संघांमध्ये पहिला सामना रंगणार होता. परंतू आफ्रिकेच्या एका खेळाडूचा करोना अहवाल पॉझिटीव्ह आल्यामुळे हा सामना पुढे ढकलण्यात आला. यानंतर ६ तारखेला पहिल्या वन-डे सामन्याचं आयोजन करण्यात आलं होतं. परंतू खेळाडू राहत असलेल्या हॉटेलमधील एक कर्मचारी करोना पॉझिटीव्ह आढळून आल्यामुळे सामन्याच्या आयोजनावरच प्रश्नचिन्ह निर्माण झालं.

करोनामुळे आंतरराष्ट्रीय सामन्यांचं आयोजन करण्यासाठी आयसीसीने नियम, खेळाडूंचं मानसिक आणि शाररिक स्वास्थ्य लक्षात घेत दोन्ही क्रिकेट बोर्डांनी एकमताने ही मालिका पुढे ढकलण्याचा निर्णय घेतला आहे. भविष्यात ही मालिक कधी खेळवली जाईल याबद्दल येत्या काही दिवसांमध्ये निर्णय घेतला जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 7, 2020 7:22 pm

Web Title: odi series between england and south africa postponed psd 91
Next Stories
1 अनुष्काकडून ‘टीम इंडिया’चं कौतुक; विराटसाठी वापरला ‘हा’ खास शब्द
2 ICC Test Ranking : केन विल्यमसनने विराट कोहलीला गाठलं, संयुक्तपणे दुसऱ्या स्थानावर
3 धोनी-युवराज यांच्याप्रमाणे हार्दिक कोणतंही टार्गेट पूर्ण करु शकतो – गौतम गंभीर
Just Now!
X