News Flash

विजय हजारे क्रिकेट स्पर्धा : महाराष्ट्राचा पराभव

महाराष्ट्राने नाणेफेक जिंकून प्रथम फलंदाजीचा निर्णय घेताना ५० षटकांत ८ बाद २५९ धावा केल्या.

| October 8, 2019 05:30 am

सुभ्रांशू सेनापती

कर्णधार सुभ्रांशू सेनापतीच्या नाबाद शतकामुळे ओदिशा विजयी

बडोदा : कर्णधार सुभ्रांशू सेनापतीच्या नाबाद शतकी खेळीच्या बळावर ओदिशाने विजय हजारे करंडक एकदिवसीय क्रिकेट स्पर्धेत महाराष्ट्रावर पाच चेंडू आणि तीन गडी राखून रोमहर्षक विजय मिळवला.

महाराष्ट्राने नाणेफेक जिंकून प्रथम फलंदाजीचा निर्णय घेताना ५० षटकांत ८ बाद २५९ धावा केल्या. राहुल त्रिपाठी (६९) आणि केदार जाधव (६२) यांनी तिसऱ्या गडय़ासाठी ९८ धावांची महत्त्वपूर्ण भागीदारी केली. ओदिशाच्या सूर्यकांत प्रधानने ५० धावांत तीन बळी घेतले.

मग ओदिशाच्या डावात तिसऱ्या क्रमांकावर उतरलेल्या सेनापतीने १३० चेंडूंत आठ चौकार आणि दोन षटकारांसह नाबाद ११९ धावांची खेळी साकारून संघाला अनपेक्षित विजय मिळवून दिला. आता महाराष्ट्राच्या खात्यावर ८ गुण जमा आहेत.

संक्षिप्त धावफलक

महाराष्ट्र : ५० षटकांत ८ बाद २५९ (राहुल त्रिपाठी ६९, केदार जाधव ६२; सूर्यकांत प्रधान ३/५०) पराभूत वि. ओदिशा : ४९.१ षटकांत ७ बाद २६० (सुभ्रांशू सेनापती ११९; अझिम काझी २/४५)

 

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 8, 2019 5:30 am

Web Title: odisha beat maharashtra in vijay hazare trophy zws 70
Next Stories
1 डच खुली बॅडमिंटन स्पर्धा : वर्मा बंधूंवर भारताची भिस्त
2 कालातीत लोकप्रियतेच्या क्रिकेट समालोचकाशी भेट
3 जागतिक महिला बॉक्सिंग स्पर्धा : मंजू राणी उपांत्यपूर्व फेरीत
Just Now!
X