18 January 2021

News Flash

७ धावांत ५ बळी… बुमराहने आजच केली होती धडाकेबाज कामगिरी

अजिंक्य रहाणे ठरला होता सामनावीर

भारतीय क्रिकेटसाठी २५ ऑगस्ट २०१९ हा दिवस खूप महत्त्वाचा आहे. याच दिवशी कसोटी अजिंक्यपद स्पर्धेत भारताने विजयी सलामी दिली होती. जसप्रीत बुमराहचे ५, इशांत शर्माचे ३ आणि मोहम्मद शमीच्या २ बळींच्या मदतीने भारताने विंडीजचा दुसरा डाव केवळ १०० धावांमध्ये गुंडाळला होता. त्यामुळे भारताला पहिल्या कसोटीत तब्बल ३१८ धावांनी मोठा मिळाला.

परदेशात खेळलेल्या कसोटी समान्यांपैकी हा भारताचा सर्वात मोठा विजय होता. याचसोबत जसप्रीत बुमराहनेदेखील या सामन्याच्या दुसऱ्या डावात दमदार कामगिरी केली होती. त्याने ८ षटकांपैकी ४ षटके निर्धाव टाकली होती. विशेष म्हणजे त्याने केवळ ७ धावा देत ५ बळी टिपले होते.

सामन्यात भारताचा पहिला डाव २९७ धावांत आटोपला होता, तर वेस्ट इंडिजचा पहिला डाव २२२ धावांत संपुष्टात आला होता. त्यानंतर दुसऱ्या डावात भारताने ७ बाद ३४३ धावांवर डाव घोषित केला आणि वेस्ट इंडिजपुढे ४१७ धावांचे आव्हान ठेवले. या आव्हानाचा पाठलाग करताना वेस्ट इंडिजची दाणादाण उडाली. जसप्रीत बुमराहने टिपलेल्या ७ धावांत ५ बळींच्या जोरावर भारताने विंडीजची अवस्था ९ बाद ५० अशी केली होती. विंडीजने १० व्या गड्यासाठी ५० धावांची भागीदारी केली, पण केमार रोचला माघारी पाठवत इशांतने भारताला परदेशी भूमीवरील सर्वात मोठा विजय मिळवून दिला. पहिल्या डावात ८१ तर दुसऱ्या डावात १०२ धावांची खेळी करणाऱ्या मुंबईकर अजिंक्य रहाणेला सामनावीर म्हणून गौरविण्यात आले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2020 11:10 am

Web Title: on this day jasprit bumrah 5 wickets in 7 runs vs west indies helped team india to register biggest win on foreign soil vjb 91
Next Stories
1 सुशांत मृत्यू प्रकरण: CSKचा बड्या खेळाडूचं महत्त्वाचं ट्विट
2 चॅम्पियन्स लीग फुटबॉल : बायर्न म्युनिक अजिंक्य
3 बुद्धिबळ ऑलिम्पियाड स्पर्धा : वीजपुरवठा खंडित प्रकरणानंतर भारतीय बुद्धिबळ महासंघाला जाग
Just Now!
X