04 August 2020

News Flash

Womens Day 2018 – तू माझ्यापेक्षा कित्येक पटीने कर्तृत्ववान, विराटचा पत्नी अनुष्काला खास संदेश

ट्विटरवरुन विराटच्या सर्व महिलांना शुभेच्छा

विराट आणि अनुष्का

आज भारतासह जगभरात महिला दिन मोठ्या उत्साहात साजरा केला जात आहे. देशभरात महिला दिनानिमीत्त खास कार्यक्रमांचं आयोजनही केलं जातंय. मग या खास दिवशी भारताचा क्रिकेट कर्णधार विराट कोहली कसा मागे राहु शकतो?? नुकताच लग्नाच्या बोहल्यावर चढलेल्या विराट कोहलीने आपली पत्नी अनुष्कासाठी आपल्या ट्विटर हँडलवरुन एक खास संदेश दिला आहे. विराटच्या या व्हिडीओला सध्या ट्विटरवर चांगली पसंती मिळत आहे.

“स्त्री आणि पुरुष कधीच समान नसतात. पण तुझ्यासारखे गुण माझ्यात यावे असं मला नेहमी वाटत असतं. आजच्या जगातल्या स्त्रीया या पुरुषांपेक्षा कित्येक पटीने पुढे आहेत. घरगुती हिंसाचार, लैंगिक अत्याचार यासारख्या अनेक समस्यांना तोंड देऊनही तुम्ही प्रत्येक गोष्टीत आपलं कर्तृत्व सिद्ध करत आला आहात. तरीही आपल्याला वाटलं की स्त्री आणि पुरुष समान आहेत. माझ्या मते आजची स्त्री ही परुषाच्या कित्येक पटीने पुढे आहे.” पत्नी अनुष्का आणि जगभरातील सर्व महिलांना महिला दिनाच्या शुभेच्छा देताना विराटने हा खास संदेश आपल्या ट्विटर हँडलवर पोस्ट केला आहे.

सध्या भारतीय क्रिकेट संघ श्रीलंकेत तिरंगी मालिका खेळतो आहे. मात्र विराट कोहली, महेंद्रसिंह धोनी आणि अन्य महत्वाच्या खेळाडूंना या मालिकेत विश्रांती देण्यात आलेली आहे. याआधी झालेल्या दक्षिण आफ्रिका दौऱ्यात भारतीय संघाने चांगली कामगिरी केली होती. कसोटी मालिकेत २-१ असा पराभव स्विकारावा लागला असला तरीही वन-डे आणि टी-२० मालिकेत विराट कोहलीच्या नेतृत्वाखाली भारताने दक्षिण आफ्रिकेला नमवलं होतं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 8, 2018 2:17 pm

Web Title: on womens day indian captain virat kohli posted a special message for his wife anushka
Next Stories
1 विराट कोहलीला निवडल्यामुळे झाली माझी गच्छन्ती – वेंगसरकरांचा गौप्यस्फोट
2 बांगलादेशविरुद्ध भारतावर दडपण
3 मोहम्मद शमीचे तरुणींसोबत अनैतिक संबंध असल्याचा पत्नीचा आरोप, बीसीसीआयने शमीचा वार्षिक करार राखून ठेवला
Just Now!
X