07 April 2020

News Flash

विराटला विनाकारणं मोठं केलंय ! लंकन पत्रकाराची कोहलीवर टीका

न्यूझीलंड दौऱ्यात विराट अपयशी

विराट कोहलीच्या नेतृत्वाखाली भारतीय संघ सध्या चांगलाच अडचणीत सापडला आहे. न्यूझीलंड दौऱ्यात टी-२० मालिकेत ५-० ने बाजी मारल्यानंतर भारताला वन-डे मालिकेत पराभव स्विकारावा लागला. यानंतर वेलिंग्टन कसोटी सामन्यातही न्यूझीलंडने १० गडी राखून भारताचा धुव्वा उडवला. महत्वाची गोष्ट म्हणजे विराट कोहलीला या दौऱ्यात सूर गवसलेला नाही. केवळ एका अर्धशतकाचा अपवाद वगळता विराट या मालिकेत अपयशी ठरलाय.

विराटच्या या खराब कामगिरीचा धागा पकडत श्रीलंकन मुक्त पत्रकार डॅनिअल अलेक्झांडरने विराटच्या खराब कामगिरीची आकडेवारी देत तो Overrated फलंदाज असल्याचं म्हटलं. यावेळी डॅनिअलने स्मिथ-बाबर आझम आणि केन विल्यमसन यांच्या कामगिरीचाही दाखला दिला.

मात्र विराट कोहलीवर केलेली ही टीका अ‍ॅलेक्स टुडोर या माजी ब्रिटीश क्रिकेटपटूला पटलेली नाही. केवळ एका दौऱ्यातील खराब कामगिरीनंतर विराटसारख्या चांगल्या खेळाडूवर टीका करणं चुकीचं असल्याचं अ‍ॅलेक्स यांनी आपल्या ट्विटर अकाऊंटवर म्हटलं आहे.

टुडोर यांनी १० कसोटी आणि २८ वन-डे सामन्यांत इंग्लंडचं प्रतिनिधीत्व केलं आहे. कसोटी मालिकेत भारत सध्या ०-१ अशा पिछाडीवर आहे. कसोटी अजिंक्यपद स्पर्धेत आपलं अव्वल स्थान कायम राखण्यासाठी दुसऱ्या कसोटी सामन्यात भारताला विजय मिळवणं गरजेचं आहे. २९ फेब्रुवारीपासून ख्राईस्टचर्चच्या मैदानावर दुसरा कसोटी सामना खेळवला जाणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 26, 2020 1:48 pm

Web Title: one bad tour and people coming for the great man ex england cricketer defends virat kohli psd 91
टॅग Virat Kohli
Next Stories
1 “सचिनसारखा कोणीच नाही…”; पाकिस्तानी माजी कर्णधाराने उधळली स्तुतिसुमनं
2 “आता डोनाल्ड ट्रम्प ‘फखर झमान’चं नाव कसं घेतात बघायचंय”
3 “…म्हणून गोलंदाज धोनीची स्तुती करतात”; निवृत्तीनंतर फिरकीपटूनं सांगितलं गुपित
Just Now!
X