19 October 2020

News Flash

धोनीसाठी अखेरचा सामना आयोजित करा, झारखंडच्या मुख्यमंत्र्यांची बीसीसीआयला विनंती

धोनीचा आंतरराष्ट्रीय क्रिकेटला अलविदा

२०१९ विश्वचषकापासून धोनीची वन-डे क्रिकेटमधली संथ खेळी हा चर्चेचा विषय ठरली होती, या स्पर्धेनंतर निवड समितीने धोनीला संधी दिली नाही.

धोनी निवृत्ती कधी घेणार?? गेल्या वर्षभरापासून सोशल मीडियावर सुरु असलेल्या चर्चांना अखेरीस पूर्णविराम मिळाला आहे. संपूर्ण देश स्वातंत्र्य दिन साजरा करत असताना धोनीने आपल्या इन्स्टाग्राम अकाऊंटवरुन एक व्हिडीओ पोस्ट करत आपली निवृत्ती जाहीर केली. २०१९ विश्वचषकात उपांत्य फेरीत भारताला न्यूझीलंडकडून पराभवाचा सामना करावा लागला आणि धोनीने भारतीय संघातलं आपलं स्थान गमावलं. यानंतर सुमारे वर्षभर धोनी आंतरराष्ट्रीय क्रिकेटपासून दूर होता. गेल्या काही महिन्यांत करोनामुळे जाहीर करण्यात आलेल्या लॉकडाउन काळात धोनी आपली पत्नी साक्षी आणि मुलगी झिवा सोबत रांची येथील फार्महाऊसमध्ये राहत होता.

धोनीच्या निवृत्तीची बातमी समजताच सर्व क्षेत्रातील मान्यवरांनी आपली प्रतिक्रिया द्यायला सुरुवात केली आहे. झारखंडचे मुख्यमंत्री हेमंत सोरेन यांनी धोनीचं आतापर्यंतच्या खेळासाठी कौतुक केलं आहे. धोनी हा संपू्ण देश आणि झारखंडचा गौरव आहे. माझ्या मते धोनीला एक अखेरचा सामना खेळायला मिळायला हवा. मी बीसीसीआयला विनंती करतो की धोनीसाठी एक अखेरचा सामना आयोजित केला जावा, अशी मागणी सोरेन यांनी केली आहे.

धोनी सध्या आगामी आयपीएल हंगामाची तयारी करतो आहे. १९ सप्टेंबर ते १० नोव्हेंबर या काळात युएईमध्ये खेळवल्या जाणाऱ्या आयपीएल हंगामासाठी धोनी सज्ज झाला आहे. सध्या आपल्या चेन्नई सुपरकिंग्जमधील सहकाऱ्यांसोबत तो सराव शिबीरात सहभागी झाला आहे. २० ऑगस्टनंतर चेन्नईचा संघ युएईला रवाना होणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 15, 2020 9:24 pm

Web Title: organize farewell match for ms dhoni demands jharkhand cm hemant soren to bcci psd 91
Next Stories
1 कारकिर्दीची सुरुवात आणि अखेर धावबाद होऊनच…जाणून घ्या धोनीबद्दलचा हा योगायोग
2 धोनीच्या निवृत्तीवर सचिनची प्रतिक्रिया, म्हणाला…
3 धोनीपाठोपाठ सुरेश रैनाचीही आंतरराष्ट्रीय क्रिकेटमधून निवृत्ती
Just Now!
X